Sunny Deol: ದೇಶಪ್ರೇಮ ಸಾರುವ ʼಶಹೀದ್ʼ ಚಿತ್ರಕ್ಕೆ 23 ವರ್ಷ: ವಿಶೇಷ ಪೋಸ್ಟ್ ಶೇರ್ ಮಾಡಿದ ನಟ ಸನ್ನಿ ಡಿಯೋಲ್
ಬಾಲಿವುಡ್‌ನ ಖ್ಯಾತ ನಟ ಸನ್ನಿ ಡಿಯೋಲ್ ಒಂದು‌ಕಾಲದ ಸೂಪರ್ ಸ್ಟಾರ್. 90ರ ದಶಕದಲ್ಲಿ ಒಂದಾದ ಮೇಲೊಂದರಂತೆ ಗೆಲುವನ್ನು ಕಂಡ ಸನ್ನಿ ಡಿಯೋಲ್ 1983ರಲ್ಲಿ ರಿಲೀಸ್ ಆದ ‘ಬೇತಾಬ್’ ಚಿತ್ರದ ಮೂಲಕ ಸಿನಿಮಾ ರಂಗಕ್ಕೆ ಕಾಲಿಟ್ಟರು. ಇದೀಗ ಸನ್ನಿ ಡಿಯೋಲ್ ನಟನೆಯ ʼಶಹೀದ್ʼ ಚಿತ್ರ 23 ವರ್ಷಗಳನ್ನು ಪೂರೈಸಿದ್ದು, ಅವರು ಹಲವು ಫೋಟೊಗಳನ್ನು ಶೇರ್ ಮಾಡಿದ್ದಾರೆ.
Sunny Deol
Pushpa Kumari
Jun 8, 2025 7:20 PM
ಸನ್ನಿ ಡಿಯೋಲ್ ಒಂದು ಕಾಲದಲ್ಲಿ ದೇಶಪ್ರೇಮ ಸಾರುವ ಹಲವು ಚಿತ್ರಗಳಲ್ಲಿ ನಟಿಸಿದ್ದರು. 'ಬಾರ್ಡರ್', 'ಗದರ್', 'ಇಂಡಿಯನ್', 'ಹೀ' ಚಿತ್ರಗಳಲ್ಲಿ ದೇಶ ಭಕ್ತಿ ಸಾರುವ ಪಾತ್ರಗಳನ್ನೂ ನಿರ್ವಹಿಸಿದ್ದರು. ಈ ಮೂಲಕ ಜನರ ಹೃದಯಕ್ಕೆ ಬಹಳಷ್ಟು ಹತ್ತಿರವಾಗಿದ್ದರು.
ಸನ್ನಿ ಡಿಯೋಲ್ ಮತ್ತು ಬಾಬಿ ಡಿಯೋಲ್ ನಟಿಸಿದ 'ಶಹೀದ್' ಸಿನಿಮಾಕ್ಕೆ 23 ವರ್ಷ ಭರ್ತಿಯಾಗಿದೆ. ಸ್ವಾತಂತ್ರ್ಯ ಹೋರಾಟಗಾರ ಭಗತ್ ಸಿಂಗ್ ಆಗಿ ಬಾಬಿ ಡಿಯೋಲ್ ಮತ್ತು ಚಂದ್ರಶೇಖರ್ ಆಝಾದ್ ಆಗಿ ಸನ್ನಿ ಡಿಯೋಲ್ ನಟಿಸಿದ್ದರು. ʼಶಹೀದ್ʼ ಚಿತ್ರ 23 ವರ್ಷಗಳನ್ನು ಪೂರೈಸುತ್ತಿದ್ದಂತೆ ಸನ್ನಿ ಡಿಯೋಲ್ ವಿಶೇಷ ಪೋಸ್ಟ್ ಹಂಚಿಕೊಂಡಿದ್ದಾರೆ
ʼಶಹೀದ್ʼ ಚಿತ್ರಕ್ಕೆ 23 ವರ್ಷಗಳು, ದೇಶ ತ್ಯಾಗವನ್ನು ಪ್ರತಿಧ್ವನಿಸುವ ಚಿತ್ರ ʼಶಹೀದ್ʼ. ಭಗತ್ ಸಿಂಗ್ ಆಗಿ ಬಾಬಿ ಡಿಯೋಲ್ ಅವರ ಅಭಿನಯ ನಮ್ಮ ಸ್ವಾತಂತ್ರ್ಯ ಹೋರಾಟಗಾರರ ಧೈರ್ಯವನ್ನು ನೆನಪಿಸುತ್ತದೆ ಎಂದು ಬರೆದುಕೊಂಡಿದ್ದಾರೆ.
ಈ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ಅಭಿಮಾನಿಯೊಬ್ಬರು ಭಗತ್ ಸಿಂಗ್ ಆಗಿ ಬಾಬಿ ಡಿಯೋಲ್ ಮತ್ತು ಚಂದ್ರಶೇಖರ್ ಆಝಾದ್ ಆಗಿ ಸನ್ನಿ ಡಿಯೋಲ್ ಇವರಿಬ್ಬರ ನಟನೆ ಫರ್ಪೆಕ್ಟ್ ಎಂದು ಬರೆದುಕೊಂಡಿದ್ದಾರೆ.
ಕಳೆದ ವರ್ಷದಲ್ಲಿ ಬಿಡುಗಡೆಯಾದ ಸನ್ನಿ ಡಿಯೋಲ್ ಅವರ ʼಗದರ್-2ʼ ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಭಾರಿ ಯಶಸ್ಸನ್ನು ಕಂಡಿದ್ದು 500 ಕೋಟಿ ರೂ.ಗಳಿಗೂ ಹೆಚ್ಚು ಗಳಿಸಿತ್ತು. ಇತ್ತೀಚೆಗೆ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬಿಡುಗಡೆಯಾದ ʼಜಾಟ್ʼ ಸಿನಿಮಾವು ಹಿಟ್ ಲಿಸ್ಟ್ ಸೇರಿತ್ತು. ಮುಂದೆ ಅವರು ʼಲಾಹೋರ್ 1947ʼ ಸಿನಿಮಾದಲ್ಲಿ ನಟಿಸಲಿದ್ದಾರೆ.