Actress Rekha: ಪಿಂಕ್ ಬನಾರಸಿ ಸೀರೆಯುಟ್ಟು ಮಹಾರಾಣಿಯಂತೆ ಕಂಗೊಳಿಸಿದ ನಟಿ ರೇಖಾ
ಬಾಲಿವುಡ್‌ನ ಖ್ಯಾತ ನಟಿ ರೇಖಾ ತಮ್ಮ ನಟನೆ ಹಾಗೂ ಸೌಂದರ್ಯದಿಂದಲೇ ಫೇಮ್ ಗಿಟ್ಟಿಸಿಕೊಂಡವರು. ಯಾವುದೇ ಕಾರ್ಯಕ್ರಮವಿದ್ದರೂ ಸುಂದರವಾಗಿ ಸೀರೆಯಲ್ಲಿ ಮಿಂಚುವ ನಟಿ ಈ ಬಾರಿಯೂ ಸೀರೆ ಉಟ್ಟು ಕಂಗೊಳಿಸಿದ್ದಾರೆ. ನಟಿ ಮೀರಾ ಕಪೂರ್ ಅವರ ಧುನ್ ವೆಲ್ನೆಸ್ ಲಾಂಚ್ ಕಾರ್ಯಕ್ರಮದಲ್ಲಿ ನಟಿ ರೇಖಾ ಭಾಗಿಯಾಗಿದ್ದು, ಬನಾರಸಿ ಸೀರೆ ಉಟ್ಟು ಗಮನ ಸೆಳೆದಿದ್ದಾರೆ.
Rekha Romantic Banarasi Silk Saree
Pushpa Kumari
Jun 2, 2025 5:33 PM
ಬಾಲಿವುಡ್‌ನ ಎವರ್ ಗ್ರೀನ್ ನಟಿ ರೇಖಾ ತಮ್ಮ ವೈಯಕ್ತಿಕ ವಿಚಾರದಲ್ಲೂ ಆಗಾಗ ಸುದ್ದಿಯಲ್ಲಿರುತ್ತಾರೆ. 70 ವರ್ಷ ವಯಸ್ಸಾದ್ರೂ ಸೌಂದರ್ಯ ದಿಂದ ಎಲ್ಲರನ್ನೂ ಆಕರ್ಷಿಸುವ ನಟಿ ಸಿನಿಮಾ ಇವೆಂಟ್ಗಳಲ್ಲಿ ತಪ್ಪದೇ ಭಾಗವಹಿಸುತ್ತಾರೆ.
ಯಾವುದೇ ಕಾರ್ಯಕ್ರಮವಿರಲಿ ಸುಂದರವಾಗಿ ಸೀರೆಯಲ್ಲಿ ಮಿಂಚುತ್ತಾರೆ. ಅಂತೆಯೇ ಮೀರಾ ಕಪೂರ್ ಅವರ ಧುನ್ ವೆಲ್ನೆಸ್ ಲಾಂಚ್ ಕಾರ್ಯಕ್ರಮದಲ್ಲಿ ನಟಿ ರೇಖಾ ಪಿಂಕ್ ಶೇಡ್‌ನ ಬನಾರಸಿ ಸಿಲ್ಕ್ ಸೀರೆ ಧರಿಸಿ ಸೆಂಟರ್ ಆಫ್ ಅಟ್ರ್ಯಾಕ್ಷನ್ ಆಗಿದ್ದರು.
ಇತ್ತೀಚೆಗೆ ಮುಂಬೈನಲ್ಲಿ ನಡೆದ ಮೀರಾ ಕಪೂರ್ ಅವರ ಧುನ್ ವೆಲ್ನೆಸ್ ಲಾಂಚ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಅವರು ಕೈಯಿಂದ ನೇಯಲ್ಪಟ್ಟ ಬನಾರಸಿ ಸೀರೆ ಉಟ್ಟು ಮಹಾರಾಣಿಯಂತೆ ಕಂಗೊಳಿಸಿದ್ದಾರೆ.
ಫ್ಯಾಷನ್ ಡಿಸೈನರ್ ಮನೀಷ್ ಮಲ್ಹೋತ್ರಾ ಇನ್‌ಸ್ಟಾಗ್ರಾಮ್‌ನಲ್ಲಿ ಈ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ʼʼಆಕರ್ಷಕವಾದ. ಶಾಶ್ವತ ಸೌಂದರ್ಯದ ಪ್ರತೀಕ ರೇಖಾ ಜಿ. ಅವರಿಗೆ ಕೈಯಿಂದ ನೇಯಲ್ಪಟ್ಟ ಬನಾರಸಿ ಸಿಲ್ಕ್ ಸೀರೆಗೆ ಚುಡಿ ಸ್ಲೀವ್ ಬ್ಲೌಸ್ ಅನ್ನು ಜೋಡಿಸಿದ್ದೇವೆ” ಎಂದು ಬರೆದುಕೊಂಡಿದ್ದಾರೆ.
ಪಿಂಕ್ ಬಣ್ಣದ ಬನಾರಸಿ ಸಿಲ್ಕ್ ಡಿಸೈನ್ ಸೀರೆ ನಟಿಯ ಲುಕ್‌ಗೆ ಮತ್ತಷ್ಟು ಮೆರುಗು ನೀಡಿದೆ. ರೇಖಾ ಈ ಸೀರೆಗೆ ತಕ್ಕಂತೆ ಅಗತ್ಯವಾಗಿ ಹೊಂದಿರುವ ಚುಡಿ ಸ್ಲೀವ್ ಬ್ಲೌಸ್ ಧರಿಸಿದ್ದರು. ಇದು ಮಲ್ಹೋತ್ರಾ ಅವರ ವಿನ್ಯಾಸ ಶೈಲಿಗೆ ಸೊಗಸಾದ ಸ್ಪರ್ಶ ನೀಡಿದೆ.
ಅವರು ಈ ಸೀರೆಗೆ ಹೊಂದಿಕೆಯಾಗುವ ಆಭರಣ ಧರಿಸಿದ್ದರು. ಸ್ಟೇಟ್‌ಮೆಂಟ್ ಇಯರಿಂಗ್ಸ್ ಮತ್ತು ಗ್ರ್ಯಾಂಡ್‌ ಲುಕ್‌ನ ನೆಕ್ಲೆಸ್ ಧರಿಸಿದ್ದರು. ಹಾಗೆಯೇ ಡಾರ್ಕ್ ಲಿಪ್ಸ್ ಸ್ಟಿಕ್ ಸಿಂಪಲ್ ಮೇಕಪ್ ನಟಿಯ ಫರ್ಪೆಕ್ಟ್ ಲುಕ್ ಅಗಿತ್ತು
ರೇಖಾ ಬಾಲ್ಯದಲ್ಲೇ ಬಾಲನಟಿಯಾಗಿ ಬಣ್ಣ ಹಚ್ಚಿದ್ದರು. 14ನೇ ವಯಸ್ಸಿನಲ್ಲಿ ತಾಯಿ ಆಸೆಯ ಮೇರೆಗೆ ನಾಯಕ ನಟಿಯಾಗಿ ಕಾಣಿಸಿಕೊಂಡ ರೇಖಾ 40 ವರ್ಷಗಳಲ್ಲಿ 180 ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ. 4 ಫಿಲ್ಮ್‌ಫೇರ್ ಪ್ರಶಸ್ತಿಗಳು ಮತ್ತು ರಾಷ್ಟ್ರ ಪ್ರಶಸ್ತಿ ಗೆದ್ದಿದ್ದಾರೆ.