Star Fashion 2025: ಫ್ಯಾಷನ್ ಪ್ರಿಯರ ಕಣ್ಣು ಕುಕ್ಕಿದ ನಟಿ ಸಾರಾ ಧರಿಸಿದ್ದ ಆಫ್‌ ಶೋಲ್ಡರ್‌ ಜಂಪ್‌ಸೂಟ್!
Star Fashion 2025: ಸಿನಿಮಾ ಇವೆಂಟ್‌ವೊಂದರಲ್ಲಿ ಬಾಲಿವುಡ್‌ ನಟಿ ಸಾರಾ ಅಲಿ ಖಾನ್‌ ಧರಿಸಿದ್ದ ರೆಡ್‌ ಆಫ್‌ ಶೋಲ್ಡರ್‌ನ ಪಿನ್‌ ಸ್ಟ್ರೈಪ್ಸ್‌ನ ಜಂಪ್‌ ಸೂಟ್‌ ಇದೀಗ ಫ್ಯಾಷನ್ ಪ್ರಿಯರ ಕಣ್ಣು ಕುಕ್ಕಿದೆ. ಹಾಗಾದಲ್ಲಿ, ಇದ್ಯಾವ ಬಗೆಯ ಔಟ್‌ಫಿಟ್‌? ಏನಿದರ ವಿಶೇ‍ಷತೆ? ಇಲ್ಲಿದೆ ಡಿಟೇಲ್ಸ್
ಚಿತ್ರಗಳು: ಸಾರಾ ಅಲಿ ಖಾನ್‌, ಬಾಲಿವುಡ್‌ ನಟಿ
ಶೀಲಾ ಸಿ ಶೆಟ್ಟಿ
Jun 25, 2025 8:00 AM
ಅತ್ಯಾಕರ್ಷಕವಾದ ರೆಡ್‌ ಆಫ್‌ ಶೋಲ್ಡರ್‌ ಜಂಪ್‌ ಸೂಟ್‌ ಬಾಲಿವುಡ್‌ ನಟಿ ಸಾರಾ ಅಲಿ ಖಾನ್‌ರ ಸೌಂದರ್ಯ ಹೆಚ್ಚಿಸಿದ್ದು, ಅಲ್ಟ್ರಾ ಮಾರ್ಡನ್‌ ಫ್ಯಾಷನ್ ಪ್ರಿಯ ಹುಡುಗಿಯರ ಕಣ್ಣು ಕುಕ್ಕಿದೆ. ಅಲ್ಟ್ರಾ ಮಾಡರ್ನ್‌ ಲುಕ್‌ ನೀಡುವ ಜಂಪ್‌ ಸೂಟ್‌ ಇದು. ಯಾವುದೇ ನೆಕ್‌ಲೈನ್‌ ಇಲ್ಲ, ಸ್ಲೀವ್‌ಗಳಿಲ್ಲ! ಗ್ಲಾಮರಸ್‌ ಲುಕ್‌ ಬಯಸುವ ಅದರಲ್ಲೂ ಅಲ್ಟ್ರಾ ಮಾಡರ್ನ್‌ ಲುಕ್‌ ಬೇಕೆನ್ನುವ ಹುಡುಗಿಯರ ಚಾಯ್ಸ್‌ಗೆ ಮ್ಯಾಚ್‌ ಆಗುವಂತಹ ಔಟ್‌ಫಿಟ್‌ ಇದು ಎನ್ನುತ್ತಾರೆ ಫ್ಯಾಷನಿಸ್ಟಾಗಳು.
ಭುಜವನ್ನು ಎಕ್ಸ್‌ಪೋಸ್‌ ಮಾಡುವ ಕಂಪ್ಲೀಟ್‌ ಆಫ್‌ ಶೋಲ್ಡರ್‌ ವಿನ್ಯಾಸದ ಜಂಪ್‌ ಸೂಟ್‌ ಇದಾಗಿದ್ದು, ಈ ಮುಂಚೆ ಜಂಪ್‌ ಸೂಟ್‌ಗಳಿಗಿದ್ದ ಒಂದಿಷ್ಟು ರೂಲ್ಸ್ ಬ್ರೇಕ್‌ ಮಾಡಿ, ಹೊಸದಾಗಿ ಅಪ್‌ಡೇಟ್‌ ಆದಂತಹ ಫ್ಯಾಷನ್‌ವೇರ್‌ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.
ಸಾರಾ ಜಂಪ್‌ ಸೂಟ್‌ ಸವಾರಿ
ಎದ್ದು ಕಾಣುವಂತಹ ರೆಡ್‌ ಅಥವಾ ಸ್ಕಾರ್ಲೆಟ್‌ ಬಣ್ಣದ ಈ ಜಂಪ್‌ ಸೂಟ್‌ ಚಿಕ್ಕ ಚಿಕ್ಕ ಪಿನ್‌ ಸ್ಟ್ರೈಪ್ಸ್‌ಗಳನ್ನು ಒಳಗೊಂಡಿದೆ. ನೋಡಲು ಈ ಜಂಪ್‌ಸೂಟ್‌ನ ಮೇಲ್ಭಾಗ ಕಾರ್ಸೆಟ್‌ನಂತೆ ಕಾಣುವ ವಿನ್ಯಾಸವನ್ನೊಳಗೊಂಡಿದೆ. ಪ್ಯಾಂಟ್‌ ಜತೆಗೆ ಸ್ಟಿಚ್‌ ಆಗಿರುವ ವಿನ್ಯಾಸ ಒಳಗೊಂಡಿದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.
ಜಂಪ್‌ ಸೂಟ್‌ನಲ್ಲಿ ಸಾರಾ ಪರ್ಫೆಕ್ಟ್ ಲುಕ್‌
ಮಿನಿಮಲ್‌ ಆಕ್ಸೆಸರೀಸ್‌ಗಳೊಂದಿಗೆ ಇದನ್ನು ಧರಿಸಿರುವ ಸಾರಾ ಅವರ ಬಾಡಿ ಮಾಸ್‌ ಇಂಡೆಕ್ಸ್‌ಗೆ ಈ ಔಟ್‌ಫಿಟ್‌ ಹೇಳಿ ಮಾಡಿಸಿದಂತಿದೆ. ನೋಡಲು ಆಕರ್ಷಕವಾಗಿ ಕಾಣಿಸುತ್ತಿದ್ದು, ಇಂದಿನ ಟೀನೇಜ್‌ ಹಾಗೂ ಅಲ್ಟ್ರಾ ಮಾಡರ್ನ್‌ ಹುಡುಗಿಯರನ್ನು ಸೆಳೆದಿದೆ ಎನ್ನುತ್ತಾರೆ ಫ್ಯಾಷನ್ ವಿಮರ್ಶಕರು.
ಸಾರಾ ಈ ಔಟ್‌ಫಿಟ್‌ನಲ್ಲಿ ಕಾಣಿಸಿಕೊಂಡದ್ದೇ ತಡ, ಆಗಲೇ ಸಾಕಷ್ಟು ಆನ್‌ಲೈನ್‌ ವೆಬ್‌ಸೈಟ್‌ಗಳಲ್ಲಿ, ಈ ಔಟ್‌ಫಿಟ್‌ಗೆ ಬೇಡಿಕೆ ಹೆಚ್ಚಾಗಿದೆಯಂತೆ. ಯಾವುದೇ ಔಟ್‌ಫಿಟ್‌ ಒಮ್ಮೆ ತಾರೆಯರು ಧರಿಸಿ, ಅತ್ಯಾಕರ್ಷಕವಾಗಿ ಕಂಡರೇ ಸಾಕು! ಅದಕ್ಕೆ ಎಲ್ಲಿಲ್ಲದ ಬೇಡಿಕೆ ಸೃಷ್ಟಿಯಾಗುತ್ತದೆ ಎನ್ನುತ್ತಾರೆ ಫ್ಯಾಷನಿಸ್ಟಾಗಳು.
