Bhavya Gowda: ಮೂಗುತಿ ಸುಂದರಿ ಭವ್ಯಾ ಗೌಡ: ವೈರಲ್ ಆಗುತ್ತಿದೆ ಫೋಟೋ

ಗೀತಾ ಸೀರಿಯಲ್​ ಮೂಲಕ ಸಖತ್ ಫೇಮಸ್​ ಆಗಿದ್ದ ನಟಿ ಭವ್ಯಾ ಗೌಡ (Bhavya Gowda) ಬಿಗ್ ಬಾಸ್​ಗೆ ಹೋಗಿ ಬಂದು ತಮ್ಮ ಕೀರ್ತಿಯನ್ನು ಮತ್ತಷ್ಟು ಹೆಚ್ಚಿಸಿದರು. ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ ಎಲ್ಲರ ಅಚ್ಚುಮೆಚ್ಚಿನ ಸ್ಪರ್ಧಿಯಾಗಿದ್ದ ಭವ್ಯಾ ಫಿನಾಲೆವರೆಗೂ ಬಂದಿದ್ದರು. ಈಗ ಇವರ ಅಭಿಮಾನಿಗಳ ಬಳಗ ದೊಡ್ಡದಾಗಿದೆ. ಸೋಷಿಯಲ್ ಮೀಡಿಯಾದಲ್ಲಿ ಕೂಡ ಭವ್ಯಾ ಸಖತ್ ಆ್ಯಕ್ಟಿವ್ ಆಗಿದ್ದಾರೆ. ಮೊನ್ನೆಯಷ್ಟೆ ಥೈಲ್ಯಾಂಡ್​ಗೆ ತೆರಳಿ ಸುದ್ದಿಯಲ್ಲಿದ್ದರು. ಬ್ಯಾಂಕಾಕ್‌ ಟ್ರಿಪ್‌ ಫೋಟೋಗಳನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು ಇದು ಸಖತ್ ವೈರಲ್ ಆಗಿತ್ತು.

ಇದೀಗ ಭವ್ಯಾ ಹೊಸ ಫೋಟೋ ಒಂದನ್ನು ಹಂಚಿಕೊಂಡಿದ್ದು, ಇದಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಭವ್ಯಾ ಗೌಡ ಹೊಸ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಡಿಫರೆಂಟ್​ ಲುಕ್​ನಲ್ಲಿ ಕಾಣಿಸಿಕೊಂಡು ನೆಟ್ಟಿಗರ ಕಣ್ಮನ ಸೆಳೆದಿದ್ದಾರೆ. ಮೂಗಿಗೆ ವಿಭಿನ್ನವಾಗಿ ಮೂಗುತಿ ಹಾಕಿ ಸ್ಟೈಲಿಶ್ ಆಗಿ ಪೋಸ್ ಕೊಟ್ಟಿದ್ದಾರೆ ಮೂಗುತಿ ಸುಂದರಿ. ಸದ್ಯ ಭವ್ಯಾ ಅವರ ಈ ಹೊಸ ಲುಕ್ ಅನ್ನು ಜನ ಇಷ್ಟಪಟ್ಟಿದ್ದು ಕಾಮೆಂಟ್ ಮೂಲಕ ಪ್ರೀತಿ ತೋರಿಸಿದ್ದಾರೆ. ತಿಳಿ ನೀಲಿ ಬಣ್ಣದ ಸ್ಕರ್ಟ್ ಬ್ಲೌಸ್ ಧರಿಸಿ, ದುಪ್ಪಟ್ಟಾವನ್ನು ಕೈಯಲ್ಲಿ ಹಿಡಿದಿರುವ ಭವ್ಯಾ ಡಿಸ್ನಿ ಪ್ರಿನ್ಸಸ್ ರೀತಿ ಕಾಣುತ್ತಿದ್ದಾರೆ.

ಬಿಗ್ ಬಾಸ್​ನಿಂದ ಹೊರಬಂದ ಬಳಿಕ ಭವ್ಯಾ ಇದೀಗ ಹೊಸ ಧಾರಾವಾಹಿಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಝೀ ಕನ್ನಡದಲ್ಲಿ ಪ್ರಸಾರವಾಗಲಿರುವ ಕರ್ಣ ಸೀರಿಯಲ್ ನಲ್ಲಿ ಭವ್ಯಾ ಗೌಡ ವೈದ್ಯೆಯಾಗಿ ಕಿರಣ್ ರಾಜ್​ಗೆ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಸೀರಿಯಲ್ ತಂಡ ಅಧಿಕೃತವಾಗಿ ಈ ಕುರಿತು ಮಾಹಿತಿ ನೀಡಿಲ್ಲದಿದ್ದರು ಇವರ ವಿಡಿಯೋ ಸದ್ಯ ವೈರಲ್ ಆಗಿದೆ. ಕರ್ಣ ಸೀರಿಯಲ್​ ಶೂಟಿಂಗ್​​ನಲ್ಲಿ ಭಾಗಿಯಾಗಿದ್ದ ಫೋಟೋಗಳು ವಿಡಿಯೋಗಳು ಸಿಕ್ಕಾಪಟ್ಟೆ ವೈರಲ್​ ಆಗಿದ್ದವು.

ಇತ್ತೀಚೆಗಷ್ಟೆ ಭವ್ಯಾ ಅವರು ಕರ್ಣ ಧಾರಾವಾಹಿಯ ಪ್ರೊಮೋ ಶೂಟ್​ನಲ್ಲಿ ಕೂಡ ಭಾಗವಹಿಸಿದ್ದರು. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿತ್ತು. ಇದರಲ್ಲಿ ಕಿರಣ್ ರಾಜ್ ನಾಯಕನಾದರೆ ಭವ್ಯಾ ಗೌಡ ನಾಯಕಿಯಾಗಿದ್ದಾರೆ. ಎರಡನೇ ನಾಯಕಿ ಕೂಡ ಇದರಲ್ಲಿದ್ದು, ನಾಗಿಣಿ ಸೀರಿಯಲ್​ ಮೂಲಕ ಸೂಪರ್​ ಸಕ್ಸಸ್​ ಕಂಡಿದ್ದ ನಮ್ರತಾ ಗೌಡ ಆಗಿದ್ದಾರೆ.

Raghavendra: ಇದು ಮನೆ ಅಲ್ಲ.. ಅರಮನೆ: ಗಿಚ್ಚಿ ಗಿಲಿಗಿಲಿ ರಾಘವೇಂದ್ರ ಅವರ ಹೊಸ ಮನೆ ನೋಡಿ