Sardaar Ji 3: ಭಾರತದ ಖ್ಯಾತ ನಟನ ಈ ಸಿನಿಮಾ ವಿದೇಶದಲ್ಲಿ ಮಾತ್ರವೇ ತೆರೆಕಾಣಲಿದೆ; ಕಾರಣ ಏನು ಗೊತ್ತಾ?
ಖ್ಯಾತ ನಟ ದಿಲ್ಜಿತ್ ದೋಸಾಂಜ್ ಅವರು ಪಂಜಾಬಿ ಸಿನಿಮಾ ಇಂಡ್ರಸ್ಟ್ರಿಯಲ್ಲಿ ಸಾಕಷ್ಟು ಪ್ರಸಿದ್ಧಿ ಪಡೆದಿದ್ದಾರೆ. ಸರ್ದಾರ್ ಜಿ, ಪಂಜಾಬ್ 1984, ಗುಡ್ ನ್ಯೂಸ್, ಸೂರ್ಮಾ ಇತರ ಸಿನಿಮಾ ಮೂಲಕ ಪ್ರಖ್ಯಾತಿ ಪಡೆದ ನಟ ದಿಲ್ಜಿತ್ ಅವರು ತಮ್ಮ ಹೊಸ ಚಿತ್ರ ಸರ್ದಾರ್ ಜಿ 3 ಮೂಲಕ ತೆರೆ ಮೇಲೆ ಬರುತ್ತಿದ್ದಾರೆ. ಚಿತ್ರದ ಟ್ರೇಲರ್ ಇತ್ತೀಚೆಗೆ ಬಿಡುಗಡೆ ಯಾಗಿದೆ. ಈ ಸಿನಿಮಾದಲ್ಲಿ ಪಾಕಿಸ್ತಾನಿ ನಟಿ ಹನಿಯಾ ಆಮಿರ್ ಕೂಡ ಅಭಿನಯಿಸಿದ್ದು ಸಿನಿಮಾದಿಂದ ಅವರನ್ನು ಕೈಬಿಡಲಾಗಿದೆ ಎಂಬ ವದಂತಿ ಕೂಡ ಹರಿದಾಡಿತ್ತು. ಇದೀಗ ಎಲ್ಲ ಗಾಸಿಪ್‌ಗೂ ತೆರೆ ಬಿದ್ದಿದೆ.
Sardaar Ji 3
Pushpa Kumari
Jun 23, 2025 4:48 PM
ಭಾರತದ ಪಹಲ್ಗಾಮ್ ದಾಳಿಯ ಬಳಿಕ ಭಾರತ ಮತ್ತು ಪಾಕಿಸ್ತಾನದ ನಡುವಿನ ಉದ್ವಿಗ್ನತೆ ಪರಿಸ್ಥಿತಿ ಹೆಚ್ಚಾಗಿದೆ. ಹೀಗಾಗಿ ಪಾಕಿಸ್ತಾನಿ ಪ್ರಜೆಗಳ ಕುರಿತು ಕುರಿತು ಕೇಂದ್ರ ಸರಕಾರ ಅನೇಕ ನಿಯಮ ಸಹ ರೂಪಿಸಿತ್ತು. ಭಾರತೀಯ ಚಲನಚಿ ತ್ರೋದ್ಯಮ ಮಂಡಳಿಯೂ ಪಾಕಿಸ್ತಾನದ ಕಲಾವಿದರಿಗೆ ಅವಕಾಶ ನಿರಾಕರಣೆ ಮಾಡಿದೆ. ಹೀಗಾಗಿ ಸರ್ದಾರ್ ಜಿ 3 ಸಿನಿಮಾದಲ್ಲಿ ಪಾಕಿಸ್ತಾನಿ ನಟಿ ಹನಿಯಾ ಅವರನ್ನು ಕೂಡ ಕೈ ಬಿಡಲಾಗಿದೆ ಎನ್ನಲಾಗಿತ್ತು. ಆದರೆ ಇದೀಗ ನಟಿ ಟ್ರೇಲರ್‌ನಲ್ಲಿ ಕಾಣಿಸಿ ಕೊಂಡಿದ್ದಾರೆ. ಸದ್ಯ ಈ ವಿಚಾರ ಸೋಶಿಯಲ್ ಮಿಡಿಯಾದಲ್ಲಿ ವೈರಲ್ ಆಗುತ್ತಿದೆ.
ದಿಲ್ಜಿತ್ ಅವರು ತಮ್ಮ ಇನ್ಸ್ಟಾಗ್ರಾಮ್ ನಲ್ಲಿ ಸರ್ದಾರ್ ಜಿ 3 ಸಿನಿಮಾದ ಟ್ರೇಲರ್ ಅನ್ನು ಹಂಚಿಕೊಂಡಿದ್ದಾರೆ. ಅದರ ಜೊತೆಗೆ ಚಿತ್ರದ ಬಿಡುಗಡೆ ದಿನಾಂಕವನ್ನು ಕೂಡ ಹಂಚಿ ಕೊಂಡಿದ್ದಾರೆ. ಸರ್ದಾರ್ ಜಿ 3 ಸಿನಿಮಾವು ಇದೇ ಜೂನ್ 27 ರಂದು ವಿದೇಶದಲ್ಲಿ ಮಾತ್ರ ಬಿಡುಗಡೆಯಾಗುತ್ತಿದೆ ಎಂದು ಕ್ಯಾಪ್ಶನ್ ನಲ್ಲಿ ಬರೆದಿದ್ದಾರೆ.
ಯೂಟ್ಯೂಬ್‌ನಲ್ಲಿ ಸರ್ದಾರ್ ಜಿ 3 ಸಿನಿಮಾದ ಟ್ರೇಲರ್ ಬಿಡುಗಡೆ ಮಾಡಲಾಗಿದ್ದು ಇದನ್ನು ಭಾರತ ದಲ್ಲಿ ಬ್ಲಾಕ್ ಮಾಡಲಾಗಿದೆ. ಚಿತ್ರದ ಟೀಸರ್ ನಲ್ಲಿ ನಟಿ ಹನಿಯಾ ಇಲ್ಲ ಹಾಗಾಗಿ ಯೂಟ್ಯೂಬ್ ನಲ್ಲಿ ಟೀಸರ್ ಹಾಗೂ ಹಾಡುಗಳನ್ನು ವೀಕ್ಷಿಸಲು ಲಭ್ಯವಿದೆ. ಈ ನಡುವೆಯೂ ಪಾಕಿಸ್ತಾನಿ ನಟಿ ಹನಿಯಾ ಭಾರತೀಯ ಚಿತ್ರವೊಂದರಲ್ಲಿ ನಟಿಸಿದ್ದಾರೆ ಎಂಬುದೇ ಅಚ್ಚರಿಯ ವಿಚಾರವಾಗಿದೆ..
ಯುನೈಟೆಡ್ ಕಿಂಗ್‌ಡಮ್‌ನ ಒಂದು ಮಹಲಿನ ದೆವ್ವವನ್ನು ಓಡಿಸುವ ಮಾಂತ್ರಿಕಳ ಪಾತ್ರದಲ್ಲಿ ನಟಿ ಹನಿಯಾ ಕಾಣಿಸಿಕೊಂಡಿದ್ದಾರೆ. ಹಾರರ್ ಕಾಮಿಡಿ ಸಿಕ್ವೆನ್ಸ್ ಇರುವ ಈ ಸಿನಿಮಾಕ್ಕೆ ಇಬ್ಬರು ನಟಿಯರಿದ್ದಾರೆ. ಮಾನವ್ ವಿಜ್, ಗುಲ್ಶನ್ ಗ್ರೋವರ್, ಜಾಸ್ಮಿನ್ ಬಜ್ವಾ, ಸಪ್ನಾ ಪಬ್ಬಿ ಮತ್ತು ಇತರರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ನಟಿ ಹನಿಯಾ ಮತ್ತು ನೀರು ಬಾಜ್ವಾ ಇಬ್ಬರ ಕಂಬಿನೇಶನ್ ನಲ್ಲಿ ನಟ ದಿಲ್ಜಿತ್ ಕಾಮಿಡಿ ಕಿಕ್ ಮೂಲಕ ಪ್ರೇಕ್ಷಕರ ಮನಗೆಲ್ಲಲಿದ್ದಾರೆ.
ಸರ್ದಾರ್ ಜಿ ಸಿನಿಮಾವು ಪಂಜಾಬಿ ಚಲನಚಿತ್ರೋದ್ಯಮದ ಅತ್ಯಂತ ಜನಪ್ರಿಯ ಹಾರರ್-ಕಾಮಿಡಿ ಫ್ರಾಂಚೈಸಿಗಳಲ್ಲಿ ಒಂದು ಎನ್ನಬಹುದು. ಸರ್ದಾರ್ ಜಿ ಚಿತ್ರದ ಮೊದಲ ಭಾಗವನ್ನು ರೋಹಿತ್ ಜುಗ್ರಾಜ್ ನಿರ್ದೇಶಿಸಿದ್ದರು. 2015 ರಲ್ಲಿ ಪಂಜಾಬಿ ಚಿತ್ರರಂಗದಲ್ಲಿ ಈ ಸಿನಿಮಾ ಹೊಸ ದಾಖಲೆ ನಿರ್ಮಾಣ ಮಾಡಿತ್ತು. 2016ರಲ್ಲಿ ಸರ್ದಾರ್ ಜಿ 2 ಅನ್ನು ಸಹ ರೋಹಿತ್ ನಿರ್ದೇಶಿಸಿದ್ದು ಇದು ಕೂಡ ಹಿಟ್ ಲಿಸ್ಟ್ ಸೇರಿತ್ತು ಆದರೆ ಸರ್ದಾರ್ ಜಿ 3 ಸಿನಿಮಾವು ಜೂನ್ 27 ರಂದು ವಿದೇಶಗಳಲ್ಲಿ ಮಾತ್ರ ಬಿಡು ಗಡೆಯಾಗಲಿದ್ದು ವಿದೇಶದಲ್ಲಿ ಈ ಸಿನಿಮಾ ಹೊಸ ದಾಖಲೆ ಮಾಡುತ್ತಾ ಎಂದು ಕಾದುನೋಡಬೇಕು.