Akshay Kumar: 100 ಕೋಟಿ ರೂ. ಕ್ಲಬ್ ಸೇರಿದ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಚಿತ್ರಗಳಿವು
ʼಫಿರ್ ಹೇರಾ ಫೆರಿʼ, ʼವೆಲ್ಕಂʼ, ʼಹೌಸ್ ಫುಲ್ʼ, ʼವೆಲ್ಕಂ ಟು ಜಂಗಲ್ʼ, ʼರುಸ್ತುಂʼ, ʼಪ್ಯಾಡ್ ಮ್ಯಾನ್ʼ ಇತ್ಯಾದಿ ಸಿನಿಮಾದಲ್ಲಿ ವಿಭಿನ್ನ ಅಭಿನಯದ ಮೂಲಕ ಅಭಿಮಾನಿಗಳ ಮನ ಗೆದ್ದ ನಟ ಅಕ್ಷಯ್ ಕುಮಾರ್ ವೈಯಕ್ತಿಕ ವಿಚಾರದಿಂದಲೂ ಸುದ್ದಿಯಲ್ಲಿರುತ್ತಾರೆ. ಇವರ ನಟನೆಯ ʼಕೇಸರಿ 2ʼ ಸಿನಿಮಾ ಇಲ್ಲಿತನಕ 92.63 ಕೋಟಿ ರೂ.ಗಳನ್ನು ಕಲೆಕ್ಷನ್ ಮಾಡಿದರೆ, ʼಹೌಸ್ ಫುಲ್ 5ʼ ಬಿಡುಗಡೆಯಾದ ನಾಲ್ಕೇ ದಿನಕ್ಕೆ 100. 5 ಕೋಟಿ ರೂ. ಕಲೆಕ್ಷನ್ ಮಾಡಿ ಹಿಟ್ ಲಿಸ್ಟ್‌ಗೆ ಸೇರಿದೆ. ಈ ಚಿತ್ರವು 2025ರಲ್ಲಿ ಅತೀ ಹೆಚ್ಚು ಗಳಿಕೆ ಮಾಡಿದ ಐದನೇ ಹಿಂದಿ ಚಿತ್ರವಾಗಿ ಹೊರಹೊಮ್ಮಿದೆ. ನಟ ಅಕ್ಷಯ್ ಕುಮಾರ್ ವೃತ್ತಿ ಬದುಕಿನ ಟಾಪ್ ಸಿನಿಮಾಗಳ ಲಿಸ್ಟ್ ಇಲ್ಲಿದೆ.
Akshay Kumar
Pushpa Kumari
Jun 14, 2025 9:56 PM
ʼಏರ್ ಲಿಫ್ಟ್ʼ
ರಾಜಕೃಷ್ಣ ಮೆನನ್ ನಿರ್ದೇಶನದ ʼಏರ್ ಲಿಫ್ಟ್ʼ ಸಿನಿಮಾ 2016ರಲ್ಲಿ ತೆರೆಕಂಡಿತು. ಗಲ್ಫ್ ರಾಷ್ಟ್ರದ ಯುದ್ಧ ಸಂದರ್ಭದಲ್ಲಿ ಭಾರತೀಯ ಪ್ರಜೆಗಳನ್ನು ಸ್ಥಳಾಂತರಿಸುವ ಕಥಾವಸ್ತು ಈ ಸಿನಿಮಾದಲ್ಲಿದ್ದು, ಅಕ್ಷಯ್ ಕುಮಾರ್ ಮತ್ತು ನಮ್ರತ್ ಕೌರ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಸಿನಿಮಾವು 128.1ಕೋಟಿ ರೂಪಾಯಿ ಗಳಿಕೆ ಮಾಡಿದ್ದು, ಇದು ಅಕ್ಷಯ್ ಅವರ ವೃತ್ತಿ ಬದುಕಿನಲ್ಲಿ ಟಾಪ್ 10 ಸ್ಥಾನ ಪಡೆದಿದೆ.
ʼರೌಡಿ ರಾಥೋಡ್ʼ
ಪ್ರಭುದೇವ ನಿರ್ದೇಶನದಲ್ಲಿ ಮೂಡಿ ಬಂದ ʼರೌಡಿ ರಾಥೋಡ್ʼ ಸಿನಿಮಾ 2012ರಲ್ಲಿ ತೆರೆ ಕಂಡಿತ್ತು. ಅಕ್ಷಯ್ ಕುಮಾರ್ ನಟನೆಯಲ್ಲಿ ಈ ಸಿನಿಮಾ 133.25 ಕೋಟಿ ರೂ. ಗಳಿಕೆ ಮಾಡಿದ್ದು ವೃತ್ತಿ ಬದುಕಿನಲ್ಲಿ ಟಾಪ್ 9ನೇ ಸ್ಥಾನ ಪಡೆದಿದೆ.
ʼಟಾಯ್ಲೆಟ್: ಏಕ್ ಪ್ರೇಮ್ ಕಥಾʼ
ಈ ಸಿನಿಮಾ 2017ರಲ್ಲಿ ತೆರೆ ಕಂಡಿದ್ದು, ಸ್ವಚ್ಛ ಭಾರತ ಅಭಿಯಾನದ ಪ್ರಾಧಾನ್ಯತೆಯತ್ತ ಬೆಳಕು ಚೆಲ್ಲುತ್ತದೆ. ನಟ ಅಕ್ಷಯ್ ಕುಮಾರ್ ಮತ್ತು ಭೂಮಿ ಪೆಡ್ನೇಕರ್ ಮುಖ್ಯಪಾತ್ರದಲ್ಲಿ ನಟಿಸಿದ್ದಾರೆ. ಇದು ಭಾರತದಲ್ಲಿ 134.42 ಕೋಟಿ ರೂ. ಗಳಿಸಿದೆ.
ʼಓ ಮೈ ಗಾಡ್ 2ʼ
ಅಕ್ಷಯ್ ಕುಮಾರ್ ಮತ್ತು ಪಂಕಜ್ ತ್ರಿಪಾಠಿ ಅಭಿನಯದ OMG 2 (ಓ ಮೈ ಗಾಡ್ 2) ಸಿನಿಮಾ 2023ರಲ್ಲಿ ತೆರೆ ಕಂಡಿದ್ದು ಶೈಕ್ಷಣಿಕ ಕಲಿಕೆಯ ಕೆಲ ನ್ಯೂನ್ಯತೆ ಬಗ್ಗೆ ಬೆಳಕು ಚೆಲ್ಲಿದೆ. ಭಾರತದಲ್ಲಿ ಒಟ್ಟು 151.16 ಕೋಟಿ ರೂ. ಗಳಿಸಿದ್ದು ಅಕ್ಷಯ್ ಅವರ ವೃತ್ತಿ ಬದುಕಿನ ಟಾಪ್ 7ನೇ ಚಿತ್ರ ಎನಿಸಿಕೊಂಡಿದೆ.
ʼಕೇಸರಿʼ
ಅನುರಾಗ್ ಸಿಂಗ್ ನಿರ್ದೇಶನದ ʼಕೇಸರಿʼ ಸಿನಿಮಾ 2019ರಲ್ಲಿ ತೆರೆ ಕಂಡಿದೆ. ಈ ಸಿನಿಮಾ ಮೂಲಕ ಸಿಖ್ ರೆಜಿಮೆಂಟ್ ಬಗ್ಗೆ ಪ್ರೇಕ್ಷಕರಿಗೆ ಮನದಟ್ಟು ಮಾಡಲಾಗಿದೆ. ಅಕ್ಷಯ್ ಕುಮಾರ್, ಪರಿಣಿತಿ ಚೋಪ್ರಾ ಮುಖ್ಯ ಪಾತ್ರದಲ್ಲಿ ನಟಿಸಿದ್ದು, 155.7 ಕೋಟಿ ರೂ.ಗಳಿಸಿದೆ.
ʼಸೂರ್ಯವಂಶಿʼ
ರೋಹಿತ್ ಶೆಟ್ಟಿ ನಿರ್ದೇಶನದ ʼಸೂರ್ಯವಂಶಿʼ ಸಿನಿಮಾದಲ್ಲಿ ನಟ ಅಕ್ಷಯ್ ಕುಮಾರ್, ಜಾಕಿ ಶ್ರಾಫ್, ಅಜಯ್ ದೇವಗನ್, ರಣವೀರ್ ಸಿಂಗ್, ಕತ್ರಿನಾ ಕೈಫ್ ನಟಿಸಿದ್ದಾರೆ. ಭಾರತದಲ್ಲಿ ಒಟ್ಟು 195.55 ಕೋಟಿ ರೂ. ಗಳಿಸಿದ್ದು 5ನೇ ಅತೀ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಗಿದೆ.
'ಮಿಷನ್ ಮಂಗಲ್'
ಬಾಹ್ಯಾಕಾಶ ವಿಜ್ಞಾನಿಗಳ ಸಂಶೋಧನೆಯ ಜತೆಗೆ ಅವರ ಬದುಕಿನ ಚಿತ್ರಣವನ್ನು ಈ ಸಿನಿಮಾ ನೀ. ಅಕ್ಷಯ್ ಕುಮಾರ್, ವಿದ್ಯಾ ಬಾಲನ್, ಸೋನಾಕ್ಷಿ ಸಿನ್ಹಾ, ತಾಪ್ಸಿ ಪನ್ನು, ನಿತ್ಯಾ ಮೆನನ್ ಮೊದಲಾದವರು ಮುಖ್ಯ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. 2019ರಲ್ಲಿ ʼಮಿಷನ್ ಮಂಗಲ್ʼ ಸಿನಿಮಾ ತೆರೆ ಕಂಡಿದೆ. ಭಾರತದಲ್ಲಿ ಈ ಚಿತ್ರ 203.08 ಕೋಟಿ ರೂ. ಗಳಿಸಿದ್ದು ಈ ಚಿತ್ರವು 4ನೇ ಸ್ಥಾನದಲ್ಲಿದೆ.
ʼಗುಡ್ ನ್ಯೂಸ್ʼ
ಅಕ್ಷಯ್ ಕುಮಾರ್ ನಟನೆಯ ʼಗುಡ್ ನ್ಯೂಸ್ʼ ಸಿನಿಮಾ 2019ರಲ್ಲಿ ತೆರೆ ಕಂಡಿದೆ. ಈ ಸಿನಿಮಾವನ್ನು ರಾಜ್ ಮೆಹ್ತಾ ನಿರ್ದೇಶಿಸಿದ್ದು ದಿಲ್ಜಿತ್ ದೋಸಾಂಜ್, ಕಿಯಾರ ಅಡ್ವಾಣಿ, ಕರಿನಾ ಕಪೂರ್ ಖಾನ್ ಕೂಡ ನಟಿಸಿದ್ದಾರೆ. ಈ ಸಿನಿಮಾ 205.09 ಕೋಟಿ ರೂಪಾಯಿ ಗಳಿಕೆ ಮಾಡಿದ್ದುಅಕ್ಷಯ್‌ ವೃತ್ತಿ ಬದುಕಿನಲ್ಲಿ ಟಾಪ್ 3 ಚಿತ್ರ.
ʼಹೌಸ್ ಫುಲ್ 4ʼ
ಫರ್ಹಾದ್ ಸಮ್ಜಿ ನಿರ್ದೇಶನದ ʼಹೌಸ್ ಫುಲ್ 4ʼ ಸಿನಿಮಾ 2019ರಲ್ಲಿ ತೆರೆ ಕಂಡಿದೆ. ಅಕ್ಷಯ್ ಕುಮಾರ್, ರಿತೇಶ್ ದೇಶ್‌ಮುಖ್, ಬಾಬಿ ಡಿಯೋಲ್, ಕೃತಿ ಸನೋನ್, ಪೂಜಾ ಹೆಗ್ಡೆ, ಕೃತಿ ಖರ್ಬಂದಾ ಮುಖ್ಯ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಭಾರತದಲ್ಲಿ ಒಟ್ಟು 210.3 ಕೋಟಿ ರೂ. ಗಳಿಸಿದ್ದು, ಅಕ್ಷಯ್ ಅವರ ಎರಡನೇ ಅತಿ ಹೆಚ್ಚು ಗಳಿಕೆಯ ಚಿತ್ರ ಇದಾಗಿದೆ.
ʼ2.0ʼ
ಸೂಪರ್ ಸ್ಟಾರ್ ರಜನಿಕಾಂತ್‌ ಮತ್ತು ನಟ ಅಕ್ಷಯ್ ಕುಮಾರ್ ಅವರ ಕಾಂಬಿನೇಶನ್ ನಲ್ಲಿ ಮೂಡಿ ಬಂದ ʼ2.0ʼ ಸಿನಿಮಾ 2018ರಲ್ಲಿ ತೆರೆ ಕಂಡಿದೆ. ಸುಮಾರು 407.05 ಕೋಟಿ ರೂ. ಗಳಿಕೆ ಮಾಡಿದ್ದು ಅವರ ವೃತ್ತಿ ಬದುಕಲ್ಲಿ ಮೊದಲ ಸ್ಥಾನದಲ್ಲಿದೆ. ಕಾಲಿವುಡ್‌ನ ಶಂಕರ್‌ ಈ ಚಿತ್ರದ ನಿರ್ದೇಶಕರು.