Monaco Grand Prix: ಮೊನಾಕೊ ಗ್ರ್ಯಾಂಡ್ ಪ್ರಿಕ್ಸ್‌ನಲ್ಲಿ ಹಾಲಿವುಡ್ ನಟ- ನಟಿಯರ ಜೊತೆ ಮಿಂಚಿದ ದಿಶಾ ಪಟಾನಿ
ಮೊನಾಕೊ ಗ್ರ್ಯಾಂಡ್ ಪ್ರಿಕ್ಸ್ ಎನ್ನುವುದು ಕಾರ್ ರೇಸಿಂಗ್ ಇವೆಂಟ್ ಆಗಿದ್ದು ಇದರಲ್ಲಿ ಗ್ಲಾಮರ್‌ ಸೆಲೆಬ್ರಿಟಿಗಳ ಸಮ್ಮಿಲನವಾಗಿದೆ. ಈ ಬಾರಿ, ಬಾಲಿವುಡ್ ಬೆಡಗಿ ದಿಶಾ ಪಟಾನಿ ಇವರ ಜೊತೆಗೆ ನವೋಮಿ ಕ್ಯಾಂಪ್ ಬೆಲ್ , ಸೋಫಿಯಾ ವರ್ಗರಾ ಮತ್ತು ಪ್ಯಾಟ್ರಿಕ್ ಡೆಂಪ್ಸೆ ಅವರು ಸೇರಿದಂತೆ ಈ ರೇಸಿಂಗ್ ಇವೆಂಟ್ ನಲ್ಲಿ ಭಾಗಿಯಾಗಿದ್ದಾರೆ.
Pushpa Kumari
May 26, 2025 5:21 PM
ಬಾಲಿವುಡ್ ನ ಖ್ಯಾತ ನಟಿ ದಿಶಾ ಪಟಾನಿ ಅವರು ತಮ್ಮ ಹಾಟ್ ಮತ್ತು ಸ್ಟನಿಂಗ್ ಲುಕ್ ನಿಂದಲೇ ಅಪಾರ ಮಟ್ಟದ ಅಭಿಮಾನಿಗಳ ಮನಗೆಲ್ಲುತ್ತಾರೆ. ಪ್ರಭಾಸ್ ಜೊತೆಗೆ ಕಲ್ಕಿ 2898 ಎಡಿ ಯಲ್ಲಿ ನಾಯಕಿಯಾಗಿ ನಟಿಸಿದ ಇವರಿಗೆ ಈ ಸಿನಿಮಾ ಬಿಗ್ ಸಕ್ಸಸ್ ನೀಡಿ ಸಾಲು ಸಾಲು ಸಿನಿಮಾ ಆಫರ್ ಅನ್ನು ತಂದುಕೊಟ್ಟಿದೆ. ದಿಶಾ ಪಟಾನಿ ಅವರು ಮೊನಾಕೊ ಗ್ರ್ಯಾಂಡ್ ಪ್ರಿಕ್ಸ್ ನ ಎಫ್ 1 ರೇಸ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಆಲಿವ್ ಗ್ರೀನ್ ಬಣ್ಣದ ಮಾಡರ್ನ್ ಡ್ರೆಸ್ ನಲ್ಲಿ ಹೆಚ್ಚು ಗ್ಲಾಮ ರಸ್ ಆಗಿ ಕಂಗೊಳಿಸಿದ್ದಾರೆ. ಸಿಂಪಲ್ ಮೇಕಪ್ , ಫ್ರೀ ಹೇರ್ ಸ್ಟೈಲ್ ಮಾಡಿದ್ದ ನಟಿ ದಿಶಾ ಹೆಚ್ಚು ಹಾಟ್ ಆಗಿ ಕಾಣಿಸಿಕೊಂಡಿದ್ದಾರೆ. ಕೂಲಿಂಗ್ ಗ್ಲಾಸ್ ಧರಿಸಿ ರೇಸಿಂಗ್ ಸ್ಪರ್ಧೆಯನ್ನು ಕುತೂಹಲದಿಂದ ನೋಡುವ ಇವರ ಫೋಟೋ ಹೆಚ್ಚು ಗಮನ ಸೆಳೆಯುವಂತೆ ಮಾಡಿದೆ.
ಬ್ರಿಟಿಷ್ ಸಿನಿಮಾ ಇಂಡಸ್ಟ್ರಿಯ ಖ್ಯಾತ ನಟಿ ಸಿಮೋನ್ ಆಶ್ಲೇ ಕೂಡ ಮೊನಾಕೊ ಗ್ರ್ಯಾಂಡ್ ಪ್ರಿಕ್ಸ್ ನ ಎಫ್ 1 ರೇಸ್‌ನಲ್ಲಿ ಭಾಗಿಯಾಗಿದ್ದಾರೆ. ಇವರ ಅಭಿನಯದ ಪಿಕ್ಚರ್ ದಿಸ್ ಸಿನಿಮಾ 2025 ರಲ್ಲಿ ತೆರೆಕಂಡು ಅಪಾರ ಅಭಿಮಾನಿಗಳ ಮನ ಗೆದ್ದಿತ್ತು. ಇದರ ಬೆನ್ನಲ್ಲೇ ನಟಿ ಸಿಮೋನ್ ಅವರು ಕಾರ್ ರೇಸಿಂಗ್ ಕಾರ್ಯಕ್ರಮಕ್ಕೆ ಬಂದಿದ್ದು ವೈಟ್ ಮಿನಿ ಸ್ಕರ್ಟ್ ಲುಕ್‌ನಲ್ಲಿ ಇವರು ಹೆಚ್ಚು ಮಾಡರ್ನ್ ಆಗಿ ಕಂಗೊಳಿಸಿದ್ದಾರೆ.
ಹಾಲಿವುಡ್ ನ ಫೇಮಸ್ ಬ್ಯೂಟಿ ಕ್ವೀನ್ ಸೋಫಿಯಾ ವರ್ಗರಾ ಕಾರ್ಸೆಟ್ ಅವರು ಮೊನಾಕೊ ಗ್ರ್ಯಾಂಡ್ ಪ್ರಿಕ್ಸ್ ನ ಎಫ್ 1 ರೇಸ್‌ ಸ್ಪರ್ಧೆಯಲ್ಲಿ ಡೆನಿಮ್ ಲುಕ್‌ನಲ್ಲಿ ಕಾಣಿಸಿಕೊಂಡರು. ಡೆನಿಮ್ ಪ್ಯಾಂಟ್ ಹಾಗೂ ಮಾಡರ್ನ್ ಟಾಪ್ ಧರಿಸಿದ್ದ ನಟಿ ಸೋಫಿಯಾ ಅವರು ಲೂಸ್ ಹೇರ್ ಸ್ಟೈಲ್ ನಲ್ಲಿ ಕ್ಯೂಟ್ ಆಗಿ ಕಂಡಿದ್ದಾರೆ. ಕೂಲಿಂಗ್ ಗ್ಲಾಸ್ ಧರಿಸಿ ಕೂಲ್ ಆಗಿ ಫೋಟೊಗೆ ಪೋಸ್ ನೀಡಿದ್ದು ಅನೇಕ ನೆಟ್ಟಿಗರ ಗಮನ ಸೆಳೆದಿದ್ದಾರೆ.
ಅಮೆರಿಕದ ಫೇಮಸ್ ಸಿನಿಮಾ ತಾರೆ ಪ್ಯಾಟ್ರಿಕ್ ಮತ್ತು ಅವರ ಗೆಳತಿ ಅಬ್ಬಿ ಚಾಂಪಿಯನ್ ಕೂಡ ಈ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರಿಬ್ಬರ ಈ ಜೋಡಿ ನೆಟ್ಟಿಗರ ಗಮನ ಸೆಳೆಯುವಂತೆ ಮಾಡಿದೆ.
ಗ್ರೇಸ್ ಅನ್ಯಾಟಮಿ ನಟ ಪ್ಯಾಟ್ರಿಕ್ ಡೆಂಪ್ಸೆ ಮತ್ತು ಅವರ ಪತ್ನಿ ಜಿಲಿಯನ್ F1 ರೇಸ್‌ಗೆ ಬಂದಿದ್ದು ಅವರಿಬ್ಬರು ಕೈ-ಕೈ ಹಿಡಿದುಕೊಂಡು ಬರುವ ಫೋಟೊ ಕೂಡ ವೈರಲ್ ಆಗಿದೆ.
ಅಮೆಜಾನ್ ಸಂಸ್ಥಾಪಕ ಜೆಫ್ ಬೆಜೋಸ್ ಮತ್ತು ಲಾರೆನ್ ಸ್ಯಾಂಚೆಜ್ ಕೂಡ ಈ ಕಾರ್ಯಕ್ರಮಕ್ಕೆ ಹಾಜರಾಗಿದ್ದಾರೆ. ವಿಶ್ವದ ಅತೀ ಶ್ರೀಮಂತ ವ್ಯಕ್ತಿಯಾಗಿದ್ದರು ಬಹಳ ಸಿಂಪಲ್ ಆಗಿ ಕಾಣಿಸಿಕೊಂಡಿದ್ದು ಇವರ ಲುಕ್ ನೆಟ್ಟಿಗರ ಗಮನ ಸೆಳೆಯುವಂತೆ ಮಾಡಿದೆ.