Hina Khan: ಗೆಳೆಯ ರಾಕಿ ಜೈಸ್ವಾಲ್ ಕೈ ಹಿಡಿದ ಹಿನಾ ಖಾನ್; ವೆಡ್ಡಿಂಗ್ ಫೋಟೊ ಇಲ್ಲಿದೆ
ಹಿಂದಿಯ ಪ್ರಸಿದ್ಧ ಧಾರವಾಹಿ ʼಯೇ ರಿಶ್ತಾ ಕ್ಯಾ ಕೆಹಲಾತಾ ಹೈʼದ ಅಕ್ಷರಾ ಪಾತ್ರದಿಂದ ಖ್ಯಾತಿ ಪಡೆದ ನಟಿ ಹಿನಾ ಖಾನ್ ಸದಾ ಒಂದಲ್ಲ ಒಂದು ವಿಚಾರದಿಂದ ಸುದ್ದಿಯಲ್ಲಿರುತ್ತಾರೆ. ತಮಗೆ ಸ್ತನ ಕ್ಯಾನ್ಸರ್ ಇರುವ ಬಗ್ಗೆ ಸ್ವತಃ ಅವರೇ ಸೋಶಿಯಲ್ ಮಿಡಿಯಾದಲ್ಲಿ ಪೋಸ್ಟ್ ಹಂಚಿಕೊಂಡಿದ್ದರು. ಬಳಿಕ ಕ್ಯಾನ್ಸರ್ ಗುಣಮುಖವಾಗುತ್ತಿದ್ದಂತೆ ಅಭಿಮಾನಿಗಳಿಗೆ ಹಿನಾ ಗುಡ್ ನ್ಯೂಸ್ ಅನ್ನೂ ನೀಡಿದ್ದಾರೆ. ಇದೀಗ ಬಹುಕಾಲದ ಗೆಳೆಯ ರಾಕಿ ಜೈಸ್ವಾಲ್ ಅವರನ್ನು ನಟಿ ಹಿನಾ ಖಾನ್ ವಿವಾಹವಾಗಿದ್ದಾರೆ. ನಟಿ ತಮ್ಮ ಮದುವೆ ಸಮಾರಂಭದ ಫೋಟೊಗಳನ್ನು ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
Hina Khan
Pushpa Kumari
Jun 5, 2025 11:06 PM
ನಟಿ ಹಿನಾ ಖಾನ್ ಕ್ಯಾನ್ಸರ್‌ನಿಂದ ಬಳಲುತ್ತಿರುವಾಗ ರಾಕಿ ಜೈಸ್ವಾಲ್ ನೆರವಾಗಿದ್ದಾರೆ. ಕ್ಯಾನ್ಸರ್ ಚಿಕಿತ್ಸೆ ನಡೆಯುತ್ತಿರುವಾಗಲೇ ಜೂನ್ 4ರಂದು ಹಿನಾ ಖಾನ್ ರಾಕಿ ಜೈಸ್ವಾಲ್ ಅವರನ್ನು ವಿವಾಹವಾದರು. ಇವರ ವಿವಾಹ ಫೋಟೊಗಳು ವೈರಲ್ ಆಗಿದ್ದು ಅಭಿಮಾನಿಗಳು ಶುಭ ಹಾರೈಸುತ್ತಿದ್ದಾರೆ.
ಈ ಜೋಡಿ ಒಂದು ದಶಕಕ್ಕೂ ಹೆಚ್ಚು ಕಾಲ ಡೇಟಿಂಗ್ ಮಾಡುತ್ತಿದ್ದರು. ಜೀವನದ ಎಲ್ಲ ಏರಿಳಿತಗಳಲ್ಲಿ ಅನೇಕ ವರ್ಷ ಜತೆಯಾಗಿ ನಡೆದ ಇವರಿಬ್ಬರ ಜೋಡಿಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ವೈರಲ್ ಆದ ಒಂದು ಫೋಟೋದಲ್ಲಿ ಇವರಿಬ್ಬರು ವೆಡ್ಡಿಂಗ್ ಬಟ್ಟೆಯಲ್ಲಿ ಕ್ಯೂಟ್ ಆಗಿ ಕಂಡಿದ್ದಾರೆ. ಹಿನಾ ಅವರ ಕೈಗೆ ರಾಕಿ ಜೈಸ್ವಾಲ್ ಪ್ರೀತಿಯಿಂದ ಮುತ್ತಿಡುವ ಫೋಟೊವನ್ನು ಕಾಣಬಹುದು.
ರಾಕಿ ಜೈಸ್ವಾಲ್ ಕೂಡ ನಿರ್ದೇಶಕ ಮತ್ತು ನಿರ್ಮಾಪಕರಾಗಿ ಗುರುತಿಸಿಕೊಂಡಿದ್ದಾರೆ. ಸುಮಾರು 13 ವರ್ಷಗಳಿಂದ ಪರಸ್ಪರ ಪ್ರೀತಿಸಿ ಬಳಿಕ ಈ ಜೋಡಿ ಮನೆಯಲ್ಲಿಯೇ ಸಿಂಪಲ್ ಆಗಿ ಆಪ್ತರ ಸಮ್ಮುಖದಲ್ಲಿ ವಿವಾಹವಾಗಿದೆ. ಮದುವೆ ವೇಳೆ ರಾಕಿ ವೈಟ್ ಕಲರ್ ಸಿಂಪಲ್ ವೆಡ್ಡಿಂಗ್ ಕುರ್ತಾ ಧರಿಸಿದ್ದಾರೆ. ಹಿನಾ ಅವರು ಟ್ರೆಡಿಶನಲ್ ಸೀರೆಗೆ ಹೊಂದುವ ಆಭರಣ ಧರಿಸಿ ಬಹಳ ಕ್ಯೂಟ್ ಆಗಿ ಕಂಡಿದ್ದಾರೆ. ಇಬ್ಬರು ಮದುವೆಯ ರಿಜಿಸ್ಟ್ರೇಶನ್ ಗೆ ಸಹಿ ಹಾಕುವ ಫೋಟೊ ಕೂಡ ವೈರಲ್ ಆಗಿದೆ.
ಎರಡು ವಿಭಿನ್ನ ವೃತ್ತಿ ಹಿನ್ನೆಲೆಯಿಂದ ಬಂದಿದ್ದರೂ ನಾವು ಪ್ರೀತಿಸಿ ಪರಸ್ಪರ ಒಂದಾಗಿದ್ದೇವೆ. ನಮ್ಮ ಮನಸ್ಸುಗಳು ಬೆರೆತು ಬಾಂಧವ್ಯ ಸೃಷ್ಟಿಸಿವೆ. ಎಲ್ಲ ಅಡೆತಡೆಗಳನ್ನು ಮೀರಿ ಪ್ರೀತಿ ಗಳಿಸಿದ್ದೇವೆ, ಕಾನೂನಿನ ಮೂಲಕ ಶಾಶ್ವತವಾಗಿ ಜತೆಯಾಗಿದ್ದೇವೆ. ನಮ್ಮ ಜೋಡಿಗೆ ಶುಭಾಶಯಗಳನ್ನು ಕೋರಿ ಎಂದು ಹಿನಾ ಸೋಶಿಯಲ್ ಮಿಡಿಯಾದಲ್ಲಿ ಬರೆದುಕೊಂಡಿದ್ದಾರೆ.
2024ರ ಜುಲೈಯಲ್ಲಿ ಹಿನಾಗೆ 3ನೇ ಹಂತದ ಸ್ತನ ಕ್ಯಾನ್ಸರ್ ಇರುವುದು ತಿಳಿದುಬಂತು.ಈ ವಿಚಾರ ಅವರ ಅಭಿಮಾನಿಗಳಿಗೆ ದೊಡ್ಡ ಆಘಾತ ನೀಡಿತ್ತು. ಅವರ ಚಿಕಿತ್ಸೆಯ ಉದ್ದಕ್ಕೂ, ರಾಕಿ ನಿರಂತರ ಬೆಂಬಲವಾಗಿ ನಿಂತಿದ್ದು ಇದೀಗ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಈ ಮೂಲಕ ಫೋಟೊ ಕಂಡು ಅಭಿಮಾನಿಗಳು ಮನಸಾರೆ ಶುಭ ಹಾರೈಸಿದ್ದಾರೆ.