Sonam Kapoor: ಲಂಡನ್ ಸಮ್ಮರ್ ಪಾರ್ಟಿಯಲ್ಲಿ ಬಾಲಿವುಡ್ ನಟಿ ಸೋನಂ ಕಪೂರ್ ಲುಕ್ ಕಂಡು ಫ್ಯಾನ್ಸ್ ಫಿದಾ
ಬಾಲಿವುಡ್ ನಟಿ ಸೋನಂ ಕಪೂರ್ ಸಿನಿಮಾಗಳ ಜತೆಗೆ ಫ್ಯಾಷನ್ ಸೆನ್ಸ್‌ ಮೂಲಕ ಸಾಕಷ್ಟು ಜನಪ್ರಿಯರಾಗಿದ್ದಾರೆ. ಬಾಲಿವುಡ್ ಬ್ಯೂಟಿ ಐಕಾನ್ ಸೋನಂ ಕಪೂರ್ ಇತ್ತೀಚೆಗಷ್ಟೇ ಲಂಡನ್‌ಗೆ ತೆರಳಿದ್ದರು. ಲಂಡನ್‌ನ ಕೆನ್ಸಿಂಗ್ಟನ್ ಗಾರ್ಡನ್‌ನಲ್ಲಿ ಸರ್ಪೆಂಟೈನ್ ಗ್ಯಾಲರಿ ಸಮ್ಮರ್ ಪಾರ್ಟಿ ಆಯೋಜಿಸಿದ್ದು, ಅದರಲ್ಲಿ ಸೋನಂ ವಿಭಿನ್ನ ಡ್ರೆಸ್ ತೊಟ್ಟು ಮಿಂಚಿದ್ದಾರೆ. ಸದ್ಯ ಇವರ ಫೋಟೊ ಸೋಶಿಯಲ್ ಮಿಡಿಯಾದಲ್ಲಿ ವೈರಲ್ ಆಗುತ್ತಿದೆ.
Sonam Kapoor
Pushpa Kumari
Jun 25, 2025 8:34 PM
ನಟಿ ಸೋನಂ ಕಪೂರ್ ಸಿನಿಮಾ, ಫ್ಯಾಶನ್ ಇವೆಂಟ್‌ಗಳಲ್ಲಿ ಆಗಾಗ ಭಾಗವಹಿಸುತ್ತಲೇ ಇರುತ್ತಾರೆ. ಇತ್ತೀಚೆಗಷ್ಟೆ ಲಂಡನ್‌ನ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಸೋನಂ ಕಪೂರ್ ಜಪಾನೀಸ್ ಶೈಲಿಯ ವಿಶಿಷ್ಟ ವಿನ್ಯಾಸದ ಲುಕ್‌ನಲ್ಲಿ ಕಂಗೊಳಿಸಿದ್ದಾರೆ.
ಜಪಾನ್‌ನ ಕ್ಯೋಟೋದಲ್ಲಿ ಡಿಯರ್ ಫಾಲ್ 2025 ಕಾರ್ಯಕ್ರಮವು ಏಪ್ರಿಲ್‌ನಲ್ಲಿ ನಡೆದಿತ್ತು. ಈ ಕಾರ್ಯಕ್ರಮದಲ್ಲಿ ಕಿಮೋನೊ ಜಾಕೆಟ್ ಪ್ರದರ್ಶನ ಮಾಡಲಾಗಿದ್ದು, ಇದೀಗ ಅದೇ ಜಾಕೆಟ್ ಅನ್ನು ಸೋನಂ ಕಪೂರ್ ಧರಿಸಿ ಪೋಸ್ ನೀಡಿದ್ದಾರೆ. ಮಾರಿಯಾ ಗ್ರಾಜಿಯಾ ಚಿಯುರಿ ಈ ಬಟ್ಟೆ ವಿನ್ಯಾಸಗೊಳಿಸಿದ್ದಾರೆ.
ಸೋನಂ ಧರಿಸಿದ್ದ ಈ ಡ್ರೆಸ್ ಫ್ಲವರ್ ವಿನ್ಯಾಸದಿಂದ ಕೂಡಿದೆ. ಅದಕ್ಕೆ ಸೂಕ್ತವಾಗುವ ಜಾಕೆಟ್ ಮತ್ತು ಮ್ಯಾಚಿಂಗ್ ಬೆಲ್ಟ್ ಅನ್ನು ಸೋನಂ ತೊಟ್ಟಿದ್ದಾರೆ. ಅಲ್ಲದೆ ಫ್ರೀ ಹೇರ್ ಸ್ಟೈಲ್‌ನಲ್ಲಿ ಹೆಚ್ಚು ಗ್ಲಾಮರಸ್ ಆಗಿ ಕಂಡಿದ್ದಾರೆ. ಅದೇ ರೀತಿ ಸೋನಂ ಸಿಂಪಲ್ ಮೇಕಪ್ ಮಾಡಿಸಿಕೊಂಡ ಕಾರಣ ಹೆಚ್ಚು ನ್ಯಾಚುರಲ್ ಆಗಿ ಮಿಂಚಿದ್ದಾರೆ.
ಜೆಸ್ಸಿಕಾ ಮೆಕ್‌ಕಾರ್ಮ್ಯಾಕ್ ವಿನ್ಯಾಸಗೊಳಿಸಿದ ಆಭರಣಗಳನ್ನು ಸೋನಂ ತೊಟ್ಟಿದ್ದರು. ಸೋನಂ ಲಂಡನ್‌ನ ಬೀದಿಗಳಲ್ಲಿ ಫೋಟೊ ಶೂಟ್ ಮಾಡಿಸಿಕೊಂಡಿದ್ದು, ಇವು ವೈರಲ್ ಆಗಿವೆ. ಈ ಫೋಟೊ ಕಂಡು ನೆಟ್ಟಿಗರು ಫಿದಾ ಆಗಿದ್ದಾರೆ.
ಬಾಂಗ್ಲಾದೇಶದ ಪ್ರಖ್ಯಾತ ಆರ್ಕಿಟೆಕ್ಟ್ ಮರೀನಾ ತಬಾಸ್ಸಮ್ ಅವರ ಸರ್ಪೆಂಟೈನ್ ಗ್ಯಾಲರಿ ಸಮ್ಮರ್ ಪಾರ್ಟಿಯಲ್ಲಿ ನಟಿ ಸೋನಂ ಕಪೂರ್ ಜತೆಗೆ ಅನೇಕ ಗಣ್ಯರು ಭಾಗವಹಿಸಿದ್ದಾರೆ. ಇಶಾ ಅಂಬಾನಿ ಪಿರಾಮಲ್, ಕೇಟ್ ಬ್ಲಾಂಚೆಟ್, ವಿಲ್.ಐ.ಎಂ., ರೆಬೆಲ್ ವಿಲ್ಸನ್, ಲಿಲಿ ಅಲೆನ್, ಮರೀನಾ ತಬಾಸ್ಸಮ್, ಹ್ಯಾರಿಸ್ ರೀಡ್, ಸೆಲಿಯಾ ಇಮ್ರಿ, ಜೆಸ್ಸಿಕಾ ಗುನ್ನಿಂಗ್, ಈಜಾ ಗೊನ್ಜಾಲೆಜ್, ರಮೋನಾ ಅಗ್ರುಮಾ, ಹ್ಯಾನ್ಸ್-ಉಲ್ರಿಚ್ ಒಬ್ರಿಸ್ಟ್ ಮತ್ತು ಕೆಲ್ಲಿ ಓಸ್ಬೋರ್ನ್ ಮತ್ತಿತರರು ಭಾಗಿಯಾಗಿದ್ದಾರೆ.