The Traitors: ಮತ್ತೊಂದು ರಿಯಾಲಿಟಿ ಶೋ ಲಾಂಚ್‌ ಮಾಡ್ತಿದ್ದಾರೆ ಕರಣ್ ಜೋಹರ್- ಟಾಪ್‌ ಸೆಲೆಬ್ರಿಟಿಗಳು ಎಂಟ್ರಿ
ಬಾಲಿವುಡ್‌ನ ಖ್ಯಾತ ಚಲನಚಿತ್ರ ನಿರ್ಮಾಪಕ ಮತ್ತು ನಿರ್ದೇಶಕ ಕರಣ್ ಜೋಹರ್ ಅವರು ಸದಾ ಒಂದಲ್ಲ ಒಂದು ವಿಚಾರದಿಂದ ಸುದ್ದಿಯಲ್ಲಿರುತ್ತಾರೆ. ಕುಚ್ ಕುಚ್ ಹೋತಾ ಹೈ, ಕಭಿ ಖುಷಿ ಕಭಿ ಗಮ್, ಕಭಿ ಅಲ್ವಿದಾ ನಾ ಕೆಹೇನಾ, ಸ್ಟೂಡೆಂಟ್ ಆಫ್ ದಿ ಇಯರ್, ಏ ದಿಲ್ ಹೆ ಮುಷ್ಕಿಲ್ ಸೇರಿದಂತೆ ಸಾಕಷ್ಟು ಐಕಾನಿಕ್ ಸಿನಿಮಾಗಳನ್ನು ನಿರ್ದೇಶನ ಮಾಡಿರುವ ಕರಣ್ ಜೋಹರ್ ಇದೀಗ ದಿ ಟ್ರೇಟರ್ಸ್ ಎಂಬ ರಿಯಾಲಿಟಿ ಶೋ ನ ಹೋಸ್ಟಿಂಗ್ ನಲ್ಲಿ ಬ್ಯುಸಿಯಾಗಿದ್ದಾರೆ. ಜಾಗತಿಕ ಮಟ್ಟದಲ್ಲಿ ಮಾನ್ಯತೆ ಪಡೆದ ಈ ರಿಯಾಲಿಟಿ ಶೋ ಇದೀಗ ಬಾಲಿವುಡ್ ನಲ್ಲಿ ಕೂಡ ತೆರೆಕಾಣಲಿದ್ದು 20 ಸೆಲೆಬ್ರಿಟಿಗಳು ಇದರಲ್ಲಿ ಭಾಗಿಯಾಗಲಿದ್ದಾರೆ.
Pushpa Kumari
Jun 1, 2025 4:14 PM
ದಿ ಟ್ರೇಟರ್ಸ್ ರಿಯಾಲಿಟಿ ಶೋ ತಂಡವು ಇತ್ತೀಚೆಗಷ್ಟೇ ಮುಂಬೈನಲ್ಲಿ ಕಾರ್ಯಕ್ರಮ ಆಯೋಜಿಸಿದ್ದು ಸೆಲೆಬ್ರಿಟಿಗಳು ಯಾರೆಲ್ಲ ಭಾಗಿಯಾಗ್ತಾರೆ ಎಂಬುದನ್ನು ತಿಳಿಸಲಾಗಿದೆ. ನಿರ್ದೇಶಕ ಕರಣ್ ಜೋಹರ್ ಅವರು ಈ ಶೋ ನಿರೂಪಣೆಯ ಹೊಣೆ ಹೊತ್ತಿದ್ದಾರೆ. ಬ್ಲ್ಯಾಕ್ ಶರ್ಟ್ ಪ್ಯಾಂಟ್‌ಗೆ ವೈಟ್ ಕೋಟ್ ಧರಿಸಿದ್ದ ಇವರ ಲುಕ್ ನೆಟ್ಟಿಗರ ಗಮನ ಸೆಳೆಯುತ್ತಿದೆ.
ದಿ ಟ್ರೈಟರ್ಸ್‌ ರಿಯಾಲಿಟಿ ಶೋನಲ್ಲಿ ಬಾಲಿವುಡ್ ಮಾಡೆಲ್ ಕ್ವೀನ್ ಉರ್ಫಿ ಜಾವೇದ್ ಭಾಗವಹಿಸಲಿದ್ದಾರೆ. ವಿಚಿತ್ರವಾದ ಉಡುಗೆ ತೊಡುಗೆ ತೊಟ್ಟು ಜಾಗತಿಕ ಮಟ್ಟದಲ್ಲಿ ಮನ್ನಣೆ ಪಡೆದ ಉರ್ಫಿ ಈ ಕಾರ್ಯಕ್ರಮದಲ್ಲಿಯೂ ಡಿಫರೆಂಟ್ ಲುಕ್‌ನಿಂದ ಹೈ ಲೈಟ್ ಆಗಿದ್ದಾರೆ. ಸಿಲ್ವರ್ ಕಲರ್ ಡ್ರೆಸ್ ನಲ್ಲಿ ಉರ್ಫಿ ಹೆಚ್ಚು ಬೋಲ್ಡ್ ಆಗಿ ಕಂಗೊಳಿಸಿದ್ದಾರೆ.
ದಿ ರೆಬೆಲ್ ಕಿಡ್ ಎಂದು ಫೇಮಸ್ ಆದ ಅಪೂರ್ವ ಮುಖಿಜಾ ಕೂಡ ದಿ ಟ್ರೇಟರ್ಸ್ ರಿಯಾಲಿಟಿ ಶೋಗೆ ಎಂಟ್ರಿಯಾಗಿದ್ದಾರೆ. ಬ್ಲ್ಯಾಕ್ ಕಲರ್ ಮಾಡರ್ನ್ ಗೌನ್ ನಲ್ಲಿ ಅಪೂರ್ವ ಹೆಚ್ಚು ಪ್ರಿಟಿಯಾಗಿ ಕಂಡಿದ್ದಾರೆ. ಇವರ ಲುಕ್ ಬಹಳ ಬೋಲ್ಡ್ ಆಗಿದ್ದು ಈ ಬಾರಿ ರಿಯಾಲಿಟಿ ಶೋ ನಲ್ಲಿ ಪ್ರಬಲ ಪ್ರತಿಸ್ಪರ್ಧಿಯಾಗುವ ಸಕಲ ಸಿದ್ಧತೆ ಮಾಡಿಕೊಂಡಿದ್ದಾರೆ.
ಫಿಯರ್ ಫ್ಯಾಕ್ಟರಿ, ಖತ್ರೋನ್ ಕೆ ಖಿಲಾಡಿ 12 ಫೈನಲಿಸ್ಟ್ ಜನ್ನತ್ ಜುಬೇರ್ ಕೂಡ ದಿ ಟ್ರೇಟರ್ಸ್ ರಿಯಾಲಿಟಿ ಶೋನಲ್ಲಿ ಭಾಗವಹಿಸಲಿದ್ದಾರೆ. ಬ್ರೌನ್ ಕಲರ್ ಗೌನ್ ನಲ್ಲಿ ಸಿಂಪಲ್ ಆಗಿ ನಟಿ ಜುಬೇರ್ ಅವರು ಕಂಗೊಳಿಸಿದ್ದಾರೆ. ಸಿಂಪಲ್ ಮೇಕಪ್, ಸರಳ ವಿನ್ಯಾಸದ ಇವರ ಗೌನ್ ಡಿಫರೆಂಟ್ ಲುಕ್ ನೀಡಿದೆ.
ರಿಯಾಲಿಟಿ ಶೋ, ಸಿನಿಮಾ ಖ್ಯಾತಿಯ ನಟ ಕರಣ್ ಕುಂದ್ರಾ ಕೂಡ ದಿ ಟ್ರೇಟರ್ಸ್ ರಿಯಾಲಿಟಿ ಶೋನಲ್ಲಿ ಕಾಣಿಸಿ ಕೊಳ್ಳ ಲಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಬ್ರೌನ್ ಕಲರ್ ಡ್ರೆಸ್ ಇವರಿಗೆ ಹೊಸ ಲುಕ್ ನೀಡಿದೆ. ಅನೇಕ ಟಿವಿ ಕಾರ್ಯಕ್ರಮದಲ್ಲಿ ನಟಿಸಿದ್ದ ಇವರಿಗೆ ಅಪಾರ ಮಟ್ಟದ ಅಭಿಮಾನಿ ಬಳಗವಿದ್ದು ಈ ಹೊಸ ರಿಯಾಲಿಟಿ ಶೋ ನಲ್ಲಿ ಕರಣ್ ಭಾಗಿಯಾಗಿರುವುದು ಅವರ ಅಭಿಮಾನಿಗಳಿಗೆ ಖುಷಿ ತಂದುಕೊಟ್ಟ ವಿಚಾರವಾಗಿದೆ.
ಅರ್ಜುನ್ ಕಪೂರ್ ಸಹೋದರಿ ಅನ್ಶುಲಾ ಕಪೂರ್ ಕೂಡ ದಿ ಟ್ರೇಟರ್ಸ್ ರಿಯಾಲಿಟಿ ಶೋಗೆ ಪಾದಾರ್ಪಣೆ ಮಾಡಲು ಸಜ್ಜಾಗಿದ್ದಾರೆ. ಸಿಲ್ವರ್ ಮತ್ತು ಬ್ಲೂ ಶೇಡ್ ಮಿಶ್ರಿತ ಲಾಂಗ್ ಗೌನ್ ಧರಿಸಿ ಕಾರ್ಯಕ್ರಮಕ್ಕೆ ಬಂದಿದ್ದ ಇವರು ಸಖತ್ ಕ್ಯೂಟ್ ಆಗಿ ಗಮನ ಸೆಳೆದಿದ್ದಾರೆ.
ಬಹುಭಾಷಾ ನಟಿ ಶಿಲ್ಪಾ ಶೆಟ್ಟಿ ಅವರ ಪತಿ ರಾಜ್ ಕುಂದ್ರಾ ಕೂಡ ರಿಯಾಲಿಟಿ ಶೋನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ವಿಭಿನ್ನ ವಿನ್ಯಾಸದ ವೈಟ್ ಕಲರ್ ಡ್ರೆಸ್ ತೊಟ್ಟು ರಾಜ್ ಕುಂದ್ರಾ ಅವರು ವೇದಿಕೆಗೆ ಎಂಟ್ರಿ ಕೊಟ್ಟಿದ್ದಾರೆ. ಮಾಡೆಲ್ ಲುಕ್ ನಲ್ಲಿ ರಾಜ್ ಕುಂದ್ರಾ ಅವರು ಹೆಚ್ಚು ಗಮನ ಸೆಳೆದಿದ್ದಾರೆ.
ಭಾರತೀಯ ನಟಿ, ಚಲನಚಿತ್ರ ನಿರ್ಮಾಪಕಿ ಮತ್ತು ದೂರದರ್ಶನ ನಿರೂಪಕಿ ಲಕ್ಷ್ಮಿ ಮಂಚು ಈ ಕಾರ್ಯಕ್ರಮದಲ್ಲಿ ಭಾಗಿ ಯಾಗಿದ್ದಾರೆ. ಗೋಲ್ಡ್ ಕಲರ್ ಸ್ಟೈಲಿಶ್ ಮಾಡರ್ನ್ ಬಟ್ಟೆ ಧರಿಸಿದ್ದು ಮೇಕಪ್ ಮತ್ತು ಫ್ರೀ ಕರ್ಲಿ ಹೇರ್ ಸ್ಟೈಲ್ ಹೆಚ್ಚು ಮಾಡರ್ನ್ ಆಗಿ ಕಾಣುವಂತಿದೆ.
ಇರಾನ್ ,ಜರ್ಮನ್ ನಟಿ ಎಲ್ನಾಜ್ ನೊರೌಜಿ ಕೂಡ ದಿ ಟ್ರೇಟರ್ಸ್ ರಿಯಾಲಿಟಿ ಶೋ ನಲ್ಲಿ ಲಗ್ಗೆ ಇಟ್ಟಿದ್ದಾರೆ. ಹಳದಿ ಬಣ್ಣದ ಗೌನ್ ಧರಿಸಿ ಪ್ರಿಟಿಯಾಗಿ ಕಂಡಿದ್ದಾರೆ. ಈ ಬಟ್ಟೆ ಸೀವ್ ಲೆಸ್ ಆಗಿದ್ದು ಇವರಿಗೆ ಬೋಲ್ಡ್ ಲುಕ್ ನೀಡಿದೆ. ಸಿಂಪಲ್ ಮೇಕಪ್ ಹಾಗೂ ಫ್ರೀ ಹೇರ್ ಸ್ಟೈಲ್ ನಿಂದ ಎಲ್ನಾಜ್ ಅವರು ಹೆಚ್ಚು ಗಮನ ಸೆಳೆದಿದ್ದಾರೆ.
ಟೆಲಿವಿಷನ್ ನಟಿ ಜಾಸ್ಮಿನ್ ಭಾಸಿನ್ ಕೂಡ ದಿ ಟ್ರೇಟರ್ಸ್ ರಿಯಾಲಿಟಿ ಶೋ ನಲ್ಲಿ ಭಾಗಿಯಾಗಿದ್ದಾರೆ. ಪಂಜಾಬ್, ತಮಿಳು ಮತ್ತು ಹಿಂದಿ ಸಿನಿಮಾ ಖ್ಯಾತ ನಟಿ ಜಾಸ್ಮಿನ್ ಭಾಸಿನ್ ಬಿಗ್ ಬಾಸ್ ಖತ್ರೋ ಕೆ ಖಿಲಾಡಿ 9 ಸೇರಿದಂತೆ ಅನೇಕ ರಿಯಾ ಲಿಟಿ ಶೋ ನಲ್ಲಿ ಕೂಡ ಭಾಗಿಯಾಗಿದ್ದಾರೆ. ಈ ಬಾರಿ ಹೊಸ ರಿಯಾಲಿಟಿ ಶೋ ನಲ್ಲಿ ಭಾಗಿಯಾಗಲಿದ್ದು ವೈಟ್ ಕಲರ್ ಮಾಡರ್ಸ್ ಡ್ರೆಸ್ ನಲ್ಲಿ ವೇದಿಕೆ ಮೇಲೆ ಕಂಗೊಳಿಸಿದ್ದಾರೆ.
ಹಿಂದಿ ಚಲನಚಿತ್ರ ಹಾಗೂ ವೆಬ್ ಸರಣಿ ಮೂಲಕ ಮನೆಮಾತಾಗಿರುವ ನಟ ಸಾಹಿಲ್ ಸಲಾಥಿಯಾ ಕೂಡ ದಿ ಟ್ರೇಟರ್ಸ್ ರಿಯಾಲಿಟಿ ಶೋ ನಲ್ಲಿ ಭಾಗಿಯಾಗಲಿದ್ದಾರೆ. ಬ್ಲ್ಯಾಕ್ ಕಲರ್ ಡೆನಿಮ್ ಪ್ಯಾಂಟ್ ಮತ್ತು ಕೋಟ್ ನಲ್ಲಿ ಹೆಚ್ಚು ಸ್ಟೈಲಿಶ್ ಆಗಿ ಕಂಡಿದ್ದಾರೆ.
ಬಾಲಿವುಡ್ ಖ್ಯಾತ ರ‍್ಯಾಪರ್, ಗೀತರಚನೆಕಾರ, ಸಂಗೀತ ನಿರ್ಮಾಪಕ ರಾಫ್ತಾರ್ ಕೂಡ ಹೊಸ ರಿಯಾಲಿಟಿ ಶೋ ನಲ್ಲಿ ಭಾಗಿಯಾಗಲಿದ್ದಾರೆ. ಬ್ಲ್ಯಾಕ್ ಜೀನ್ಸ್ ಜೊತೆಗೆ ಬ್ಲ್ಯಾಕ್ ಶರ್ಟ್ ಹಾಗೂ ಓವರ್ ಕೋಟ್ ಧರಿಸಿ ವೇದಿಕೆ ಮೇಲೆ ರಾಫ್ತಾರ್ ಮಾಡರ್ನ್ ಲುಕ್ ನಿಂದ ಕಂಗೊಳಿಸಿದ್ದಾರೆ.
ಯೂಟ್ಯೂಬರ್, ಕಾಮಿಡಿ ಆ್ಯಕ್ಟರ್ ಪೂರವ್ ಝಾ ಕೂಡ ದಿ ಟ್ರೇಟರ್ಸ್ ರಿಯಾಲಿಟಿ ಶೋ ನಲ್ಲಿ ಭಾಗಿಯಾಗಲಿದ್ದಾರೆ. ಬ್ಲ್ಯಾಕ್ ಕಲರ್ ಸಿಂಪಲ್ ವಿನ್ಯಾಸದ ಬಟ್ಟೆ ತೊಟ್ಟು ವೇದಿಕೆಗೆ ಲಗ್ಗೆ ಇಟ್ಟಿದ್ದಾರೆ. ಹೆಚ್ಚು ಸ್ಟೈಲಿಶ್ ಆಗಿ ಕಾಣುವ ಇವರ ಲುಕ್ ಕಂಡರೆ ಅಭಿಮಾನಿಗಳನ್ನು ರಂಜಿಸಲು ಸಕಲ ಸಿದ್ಧತೆ ಮಾಡಿಕೊಂಡಿದ್ದಾರೆ.
ಇತರ ಸ್ಪರ್ಧಿಗಳಾಗಿ ಖ್ಯಾತ ನಟ ಆಶಿಶ್ ವಿದ್ಯಾರ್ಥಿ, ಹರ್ಷ್ ಗುಜ್ರಾಲ್, ಜಾನ್ವೀ ಗೌರ್, ಮಹೀಪ್ ಕಪೂರ್, ಮುಖೇಶ್ ಛಾಬ್ರಾ, ನಿಕಿತಾ ಲೂಥರ್, ಸುಧಾಂಶು ಪಾಂಡೆ ಮತ್ತು ಸುಗಿ ಮೋತಿವಾಲಾ ಕೂಡ ಈ ರಿಯಾಲಿಟಿ ಶೋ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಜೂನ್ 12 ರಿಂದ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ 'ದಿ ಟ್ರೇಟರ್ಸ್' ಸ್ಟ್ರೀಮ್‌ಗೆ ಲಭ್ಯವಿರುತ್ತದೆ.