Haunted Places: ವಿಶ್ವದ 10 ಮೋಸ್ಟ್ ಹಾಂಟೆಡ್‌ ಸ್ಥಳಗಳು ಇವು… ಈ ತಾಣಗಳು ಭಾರೀ ಭಯಾನಕ, ಅಷ್ಟೇ ರೋಮಾಂಚಕ!
Haunted Places: ವಿಶ್ವದಲ್ಲೆಡೆ ಅನೇಕ ಹಾಂಟೆಡ್‌ ಸ್ಥಳಗಳಿದ್ದು, ದೆವ್ವ, ಫ್ಯಾಂಟಮ್, ಆತ್ಮಗಳ ಅಸ್ತಿತ್ವವು ನಿಗೂಢ ವಿಷಯವಾಗಿದೆ. ಅನೇಕ ಜನರು ಈ ದೆವ್ವಗಳನ್ನು ನೋಡಿದ್ದೇವೆ ಎಂದು ಹೇಳಿಕೊಳ್ಳುತ್ತಾರೆ. ಜಗತ್ತಿನಲ್ಲಿ ಇಂತಹ ಅನೇಕ ಸ್ಥಳಗಳಿವೆ, ಅವುಗಳಲ್ಲಿ ಟಾಪ್ ಹಾಂಟೆಡ್‌ ಸ್ಥಳಗಳ ಬಗ್ಗೆ ಇಲ್ಲಿ ಮಾಹಿತಿ ನೀಡಲಾಗಿದೆ. ಈ ತಾಣಗಳಲ್ಲಿ ಭಯ ಹುಟ್ಟಿಸುವ ಕಥೆಗಳನ್ನು ನೀವು ಕೇಳಬಹುದಾಗಿದ್ದು, ಓದಿ.
Sushmitha Jain
May 22, 2025 10:23 AM
ದೇಶ ಸೇರಿದಂತೆ ವಿಶ್ವದೆಲ್ಲೆಡೆ ಇಂದಿಗೂ ಎದೆ ಝಲ್‌ ಎನ್ನಿಸುವ, ಭಯಾನಕ ಅನುಭವನ್ನು ನೀಡುವ ಅನೇಕ ಹಾಂಟೆಡ್‌ ಸ್ಥಳಗಳು ಇವೆ. ಅಲ್ಲಿ ಅಗೋಚರ ಶಕ್ತಿಗಳ ಸಂಚಾರ ಇದೆ ಎಂದು ಜನರು ನಂಬುತ್ತಾರೆ. ರಾತ್ರಿಯ ಸಮಯದಲ್ಲಿಯೇ ಅಲ್ಲದೆ, ಬೆಳಗಿನ ಹೊತ್ತಿನಲ್ಲಿಯು ಅಂತಹ ಸ್ಥಳಗಳಿಗೆ ಜನರು ಹೋಗಲು ಹೆದರುತ್ತಾರೆ. ಆದರೆ ಕೆಲವು ಸಾಹಸಿಗರು ಮಾತ್ರ ಅಲ್ಲಿ ನಿಜವಾಗಿಯೂ ದೆವ್ವ-ಭೂತಗಳು ಇವೆಯೇ ಎಂದು ಸಾಬೀತುಪಡಿಸಲು ಹೋಗುತ್ತಾರೆ. ಅಷ್ಟಕ್ಕೂ ವಿಶ್ವದಲ್ಲಿ ಯಾವೆಲ್ಲಾ ಸ್ಥಳಗಳು ಭಯಾನಕವಾದ ಕಥೆಗಳನ್ನು ಹೊಂದಿದೆ ಎಂಬುದರ ಮಾಹಿತಿ ಇಲ್ಲಿ ನೀಡಲಾಗಿದೆ.
ಭಾನ್‌ಗಢ್ ಕೋಟೆ, ರಾಜಸ್ಥಾನ, ಭಾರತ: ಭಾರತದಲ್ಲಿ ದೆವ್ವಗಳು ವಾಸಿಸುವ ಸ್ಥಳವೆಂದು ಭಾನ್‌ಗಢ್ ಕೋಟೆಯನ್ನು ಕರೆಯುತ್ತಾರೆ. ದಂತಕಥೆಯ ಪ್ರಕಾರ ಸ್ಥಳೀಯ ರಾಜಕುಮಾರಿಯನ್ನು ಪ್ರೀತಿಸುವ ಮಾಂತ್ರಿಕನಿಂದ ಶಾಪಗ್ರಸ್ತವಾಗಿದೆ. ಆಕೆಯ ತಿರಸ್ಕಾರದಿಂದ ಕುಪಿತನಾದ ಮಾಂತ್ರಿಕನು ಕೋಟೆಯನ್ನು ನಾಶಗೊಳಿಸುವ ಶಾಪವಿಟ್ಟನು. ಇಲ್ಲಿ ರಾತ್ರಿ ವೇಳೆ ವಿಚಿತ್ರ ಧ್ವನಿಗಳು ಮತ್ತು ಹೆಜ್ಜೆ ಇಡುವ ಶಬ್ಧಗಳು ಕೇಳಿಸುತ್ತವೆ ಎಂದು ಸ್ಥಳೀಯರು ಹೇಳುತ್ತಾರೆ. ಭಾರತೀಯ ಪುರಾತತ್ವ ಇಲಾಖೆಯು ಸೂರ್ಯಾಸ್ತದ ನಂತರ ಪ್ರವೇಶವನ್ನು ಕಟ್ಟುನಿಟ್ಟಾಗಿ ನಿಷೇಧಿಸಿದೆ.
ಮಿರ್ಟಲ್ಸ್ ಪ್ಲಾಂಟೇಶನ್, ಲೂಯಿಸಿಯಾನ, ಯುಎಸ್‌ಎ: 1796ರಲ್ಲಿ ನಿರ್ಮಿತವಾದ ಈ ತೋಟದಲ್ಲಿ 10ಕ್ಕೂ ಹೆಚ್ಚು ಕೊಲೆಗಳು ನಡೆದಿವೆ ಎನ್ನಲಾಗಿದೆ. ಗುಲಾರಾಗಿ ಕೆಲಸ ಮಾಡುತ್ತಿದ್ದ ಕ್ಲೋಯ್ ಎಂಬ ಮಹಿಳೆ ಇದನ್ನು ಕಾಡುತ್ತಾಳೆ ಎಂದು ಹೇಳಲಾಗುತ್ತದೆ. ಇಲ್ಲಿಗೆ ಭೇಟಿ ನೀಡಿದ ಕೆಲವರು ಪಿಯಾನೋ ಸಂಗೀತ ಮತ್ತು ಮಕ್ಕಳ ನಗುವಿನಂತೆ ಭಾಯಾನಕ ಶಬ್ಧ ಕೇಳಿದ್ದಾರೆ ಎಂದು ವರದಿಯಾಗಿದೆ.
ಲಂಡನ್ ಟವರ್, ಇಂಗ್ಲೆಂಡ್: 1,000 ವರ್ಷಗಳ ಇತಿಹಾಸವಿರುವ ಈ ಗೋಪುರವು ಲಂಡನ್‌ನ ಥೇಮ್ಸ್ ನದಿಯ ದಂಡೆಯಲ್ಲಿದೆ, ಇದು ರಾಜಮನೆತನದ ಮರಣದಂಡನೆ ಮತ್ತು ಚಿತ್ರಹಿಂಸೆಗೆ ಕುಖ್ಯಾತವಾಗಿದೆ. ಆನ್ ಬೊಲೀನ್‌ನಂತಹ ಭೂತಗಳು, ವಿಚಿತ್ರ ಕಾಲಿನ ಹೆಜ್ಜೆಯ ಶಬ್ಧಗಳು ಕೇಳಿಬರುತ್ತವೆ ಎನ್ನಲಾಗಿದ್ದು, ವಿಶ್ವದ ಅತ್ಯಂತ ಹೆಚ್ಚು ದೆವ್ವದ ಸ್ಥಳಗಳಲ್ಲಿ ಇದು ಕೂಡ ಒಂದೆಂದು ಪರಿಗಣಿಸಲಾಗಿದೆ.
ಪೊವೆಗ್ಲಿಯಾ ದ್ವೀಪ, ಇಟಲಿ: 1348ರ ಬುಬೋನಿಕ್ ಪ್ಲೇಗ್‌ನ ರೋಗಿಗಳಿಗೆ ಕ್ವಾರಂಟೈನ್ ವಲಯವಾಗಿದ್ದ ಈ ದ್ವೀಪವು ನಂತರ ಮಾನಸಿಕ ಆಸ್ಪತ್ರೆಯಾಯಿತು. ಸಾವಿರಾರು ಆತ್ಮಗಳ ಭೂತಗಳಿಂದ ಕೂಡಿದೆ ಎಂದು ಹೇಳಲಾಗುವ ಈ ಸ್ಥಳವು ಸಾರ್ವಜನಿಕರಿಗೆ ನಿಷೇಧಿತವಾಗಿದೆ.
ಎಡಿನ್‌ಬರ್ಗ್ ಕ್ಯಾಸಲ್, ಸ್ಕಾಟ್ಲೆಂಡ್: ಇದು ಸ್ಕಾಟ್ಲೆಂಡ್‌ನ ಅತ್ಯಂತ ಹಳೆಯ ಮತ್ತು ಐತಿಹಾಸಿಕವಾಗಿ ಮಹತ್ವದ ಕೋಟೆಗಳಲ್ಲಿ ಒಂದಾಗಿದೆ. ಯುದ್ಧಗಳು ಮತ್ತು ಮರಣದಂಡನೆಗಳಂತ ಘಟನೆಗೆ ಸಾಕ್ಷಿಯಾಗಿರು ಈ ಕೋಟೆಯಲ್ಲಿ ಫ್ಯಾಂಟಮ್ ಕಾಲಿನ ಹೆಜ್ಜೆಯ ಶಬ್ಧಗಳು, ಧ್ವನಿಗಳು ಮತ್ತು ಐತಿಹಾಸಿಕ ಉಡುಗೆಯ ವ್ಯಕ್ತಿಗಳು ಕಾಣಿಸಿಕೊಂಡ ಬಗ್ಗೆ ವರದಿಯಾಗಿದೆ.
ಗೊಂಬೆಗಳ ದ್ವೀಪ, ಮೆಕ್ಸಿಕೊ: 1900ರ ದಶಕದಲ್ಲಿ ಬಾಲಕಿ ನೀರಿನಲ್ಲಿ ಮುಳುಗಿದ ಸ್ಥಿತಿಯಲ್ಲಿ ಕಂಡ ಬಳಿಕ ದುಷ್ಟಶಕ್ತಿಗಳನ್ನು ದೂರವಿಡಲು ಎಂದು ಡಾನ್ ಜೂಲಿಯನ್ ಸಂತಾನ ಬರೆರಾ ಎಂಬ ಏಕಾಂಗಿ ವ್ಯಕ್ತಿ ಈ ದ್ವೀಪದಲ್ಲಿ ಗೊಂಬೆಗಳನ್ನು ತೂಗುಹಾಕಿದನು. ಆದರೆ ಈ ಜಾಗದಲ್ಲಿ ಗೊಂಬೆಗಳು ಚಲಿಸುವ ಅಥವಾ ಪಿಸುಗುಡುವಂತ ಅನುಭವಗಳಾಗಿದ್ದು, ಭಯಾನಕ ಪ್ರವಾಸಿ ತಾಣವಾಗಿದೆ.
ಅಯೋಕಿಗಹಾರ ಫಾರೆಸ್ಟ್, ಜಪಾನ್: 'ಆತ್ಮಹತ್ಯೆ ಕಾಡು' ಎಂದು ಕರೆಯಲ್ಪಡುವ ಈ ಕಾಡು, ಮೌಂಟ್ ಫುಜಿಯ ಬುಡದಲ್ಲಿದೆ. ಆತ್ಮಹತ್ಯೆ ಮಾಡಿಕೊಂಡವರ ಆತ್ಮಗಳಿಂದ ಕಾಡುತ್ತದೆ ಎಂದು ಹೇಳಲಾಗುತ್ತದೆ. ಇಲ್ಲಿನ ಮೌನ ಮತ್ತು ಭಯಾನಕ ವಾತಾವರಣವು ಅನುಭವಿ ಯಾತ್ರಿಕರನ್ನು ಸಹ ಅಸ್ತವ್ಯಸ್ತಗೊಳಿಸುತ್ತದೆ.
ವಾದಿ ಅಲ್-ಜಿನ್, ಸೌದಿ ಅರೇಬಿಯಾ: ಮಕ್ಕಾದ ಬಳಿಯ ಈ ಕಣಿವೆಯು ಜಿನ್‌ಗಳಿಗೆ (ಅರೇಬಿಯನ್ ಜಾನಪದದ ಅತೀಂದ್ರಿಯ ಜೀವಿಗಳು) ಸಂಬಂಧಿಸಿದೆ. ವಾಹನಗಳ ಕಿರಿಕಿರಿ, ವಿಚಿತ್ರ ಶಬ್ದಗಳು ಮತ್ತು ಭಯಾನಕ ಭಾವನೆಗಳಿಂದ ಇದು ಭಯದ ಮೂಲವಾಗಿದೆ.
ಫಾರ್ಬಿಡನ್ ಸಿಟಿ, ಬೀಜಿಂಗ್, ಚೀನಾ: ಸುಮಾರು 500 ವರ್ಷಗಳಿಂದ ಚಕ್ರವರ್ತಿಗಳು ಮತ್ತು ಅಧಿಕಾರಿಗಳಿಗೆ ನೆಲೆಯಾಗಿದ್ದ ನಿಷೇಧಿತ ನಗರವು ಅಧಿಕಾರ ಹೋರಾಟಗಳು ಮತ್ತು ದುರಂತಗಳಲ್ಲಿ ಮುಳುಗಿದೆ. ಕೊಲೆಗಳು, ಹತ್ಯೆಗಳು ಮತ್ತು ನಿಗೂಢ ಸಾವುಗಳು ಸೇರಿದಂತೆ ಅದರ ಕರಾಳ ಇತಿಹಾಸವು ಪ್ರೇತ ಕಥೆಗಳಿಗೆ ಕಾರಣವಾಗಿದೆ. ಇಲ್ಲಿಗೆ ಭೇಟಿ ನೀಡುವವರಿಗೆ ವಿಚಿತ್ರ ಶಬ್ದಗಳು, ಹೆಜ್ಜೆಗುರುತುಗಳು ಸೇರಿ ಹಲವು ಭಯಾನಕ ಅನುಭವಗಳಾಗಿದೆ. ಮಹಾರಾಣಿ ಡೋವೆಜರ್ ಸಿಕ್ಸಿಯ ಆತ್ಮವು ಇನ್ನೂ ಅರಮನೆಯನ್ನು ಕಾಡುತ್ತಿದೆ ಎಂದು ಹಲವರು ನಂಬುತ್ತಾರೆ.
ಕೇಪ್ ಆಫ್ ಗುಡ್ ಹೋಪ್, ದಕ್ಷಿಣ ಆಫ್ರಿಕಾ: 17ನೇ ಶತಮಾನದಲ್ಲಿ ಡಚ್ ಈಸ್ಟ್ ಇಂಡಿಯಾ ಕಂಪನಿಯಿಂದ ನಿರ್ಮಿತವಾದ ಈ ಕೋಟೆ, ಚಿತ್ರಹಿಂಸೆ ಮತ್ತು ಮರಣದಂಡನೆಗೆ ಗುರಿಪಡಿಸಿದ ಕರಾ ಇತಿಹಾಸವನ್ನು ಹೊಂದಿದೆ. ಗ್ರೇ ಲೇಡಿ, ಸಂಪರ್ಕ ತಪ್ಪಿದ ಗಂಟೆಯ ರಿಂಗಣ ಮತ್ತು ವಿಚಿತ್ರ ಶಬ್ದಗಳಿಂದ ಇದು ಭಯಾನಕ ಸ್ಥಳವಾಗಿದೆ.