Singer Millind Gaba: ಗಬಾ ಕಿ ಸ್ಟೋರಿ ಮೇ ಟ್ವಿಸ್ಟ್ ನಹಿ, ಟ್ವಿನ್ಸ್ ಹೈ !- ಅವಳಿ ಮಕ್ಕಳನ್ನು ಸ್ವಾಗತಿಸಿದ ಗಾಯಕ ಮಿಲಿಂದ್ ಗಾಬಾ ದಂಪತಿ
ಗಾಯಕ ಮಿಲಿಂದ್ ಗಾಬಾ ಅವರ ಪತ್ನಿ ಪ್ರಿಯಾ ಬೇನಿವಾಲ್ ಶುಕ್ರವಾರ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಮದುವೆಯಾದ ಮೂರು ವರ್ಷಗಳ ಬಳಿಕ ದಂಪತಿ ಅವಳಿ ಮಕ್ಕಳನ್ನು ಸ್ವಾಗತಿಸಿದರು. ಈ ಕುರಿತು ಇನ್ ಸ್ಟಾಗ್ರಾಮ್ ನಲ್ಲಿ ಸಂತಸ ಹಂಚಿಕೊಂಡಿರುವ ಗಾಯಕ ಮಿಲಿಂದ್ ಗಾಬಾ "ಗಬಾ ಕಿ ಸ್ಟೋರಿ ಮೇ ಟ್ವಿಸ್ಟ್ ನಹಿ, ಟ್ವಿನ್ಸ್ ಹೈ!" ಎಂದು ಬರೆದಿದ್ದಾರೆ.
ವಿದ್ಯಾ ಇರ್ವತ್ತೂರು
May 31, 2025 4:56 PM
ಮದುವೆಯಾದ ಮೂರು ವರ್ಷಗಳ ಬಳಿಕ ಗಾಯಕ ಮಿಲಿಂದ್ ಗಾಬಾ, ಪ್ರಿಯಾ ಬೇನಿವಾಲ್ ಅವಳಿ ಮಕ್ಕಳನ್ನು ಸ್ವಾಗತಿಸಿದ್ದಾರೆ. ಈ ಕುರಿತು ಇನ್ ಸ್ಟಾಗ್ರಾಮ್ ನಲ್ಲಿ ಸಂತಸ ಹಂಚಿಕೊಂಡ ಗಾಯಕ ಮಿಲಿಂದ್ ಗಾಬಾ ಶುಕ್ರವಾರ ತಮಗೆ ಅವಳಿ ಮಕ್ಕಳು ಜನಿಸಿರುವುದಾಗಿ ಘೋಷಿಸಿದರು.
2022ರ ಏಪ್ರಿಲ್ ನಲ್ಲಿ ಮದುವೆಯಾಗಿದ್ದ ಗಾಯಕ ಮಿಲಿಂದ್ ಗಾಬಾ, ಪ್ರಿಯಾ ಬೇನಿವಾಲ್ ಮದುವೆಯಾದ ಮೂರು ವರ್ಷಗಳ ಅನಂತರ ಒಂದು ಗಂಡು ಮತ್ತೊಂದು ಹೆಣ್ಣು ಮಗುವನ್ನು ಇದೀಗ ಸ್ವಾಗತಿಸಿದ್ದಾರೆ. ಈ ಕುರಿತು ಇನ್ ಸ್ಟಾಗ್ರಾಮ್ ನಲ್ಲಿ ಬರೆದಿರುವ ಮಿಲಿಂದ್, "ಗಬಾ ಕಿ ಸ್ಟೋರಿ ಮೇ ಟ್ವಿಸ್ಟ್ ನಹಿ, ಟ್ವಿನ್ಸ್ ಹೈ!" ಎಂದು ಹೇಳಿದ್ದಾರೆ.
ಗಾಯಕ ಮಿಲಿಂದ್ ಗಾಬಾ ತಮ್ಮ ಅವಳಿ ಮಕ್ಕಳ ಜನನವನ್ನು ಆನ್‌ಲೈನ್‌ನಲ್ಲಿ ಅತ್ಯಂತ ಮುದ್ದಾದ ಪೋಸ್ಟ್‌ನೊಂದಿಗೆ ಘೋಷಿಸಿಕೊಂಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ನಟಿ, ನಿರೂಪಕಿ ಭಾರತಿ ಸಿಂಗ್ , ಗಾಯಕಿ ತುಳಸಿ ಕುಮಾರ್ ಸೇರಿದಂತೆ ಹಲವಾರು ಅಭಿಮಾನಿಗಳು ಅಭಿನಂದನೆ ಸಲ್ಲಿಸಿದ್ದಾರೆ.
ಗಾಯಕ ಮಿಲಿಂದ್ ಗಾಬಾ, ಪ್ರಿಯಾ ಬೇನಿವಾಲ್ ಅವರು ತಮಗೆ ಅವಳಿ ಮಕ್ಕಳಾಗಿರುವುದಕ್ಕೆ ಅತ್ಯಂತ ಮುದ್ದಾದ ಚಿತ್ರಗಳ ಪೋಸ್ಟ್ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಗುಲಾಬಿ ಬಣ್ಣ ಮತ್ತು ನೀಲಿ ಬಣ್ಣದ ಎರಡು ಶಿಶುಗಳ ಚಿತ್ರವನ್ನು ಹಂಚಿಕೊಂಡ ಗಾಯಕ, "ಗಬಾ ಕಿ ಸ್ಟೋರಿ ಮೇ ಟ್ವಿಸ್ಟ್ ನಹಿ, ಟ್ವಿನ್ಸ್ ಹೈ!" ಎಂದು ಬರೆದಿದ್ದಾರೆ.
ನನಗಾಗಿ ದೇವರಲ್ಲಿ ಏನೂ ಬೇಡಲಿಲ್ಲ. ಆದರೆ ಇನ್ನು ಏನು ಬೇಡಲಿ.. ನಮಗೆ ಎರಡು ಪವಾಡಗಳು ಒಟ್ಟಿಗೆ ಸಿಕ್ಕಿವೆ. ಜೈ ಮಾತಾ ದಿ ಎನ್ನುವ ಶೀರ್ಷಿಕೆಯೊಂದಿಗೆ ಪೋಸ್ಟ್ ಮಾಡಿರುವ ಮಿಲಿಂದ್ ಮತ್ತು ಪ್ರಿಯಾ ಅವರಿಗೆ ಅಭಿನಂದನೆಗಳ ಮಹಾಪೂರವೇ ಹರಿದು ಬಂದಿದೆ. ನಟಿ ಅಕ್ಷರಾ ಸಿಂಗ್ ಕೂಡ ಅವರಿಬ್ಬರಿಗೆ ಅಭಿನಂದನೆಯನ್ನು ಸಲ್ಲಿಸಿದ್ದಾರೆ.
ಕೆಲಕಾಲ ಡೇಟಿಂಗ್ ನಲ್ಲಿದ್ದ ಮಿಲಿಂದ್ ಮತ್ತು ಪ್ರಿಯಾ 2022ರ ಏಪ್ರಿಲ್ 16ರಂದು ದೆಹಲಿಯಲ್ಲಿ ನಡೆದ ಭವ್ಯ ಸಮಾರಂಭದಲ್ಲಿ ವಿವಾಹವಾದರು. ಪಬ್‌ಜಿ ಎಂಬ ಆನ್‌ಲೈನ್ ಆಟದ ಮೂಲಕ ಪ್ರಿಯಾ ಅವರನ್ನು ಭೇಟಿಯಾಗಿರುವುದಾಗಿ ಗಾಯಕ ಬಹಿರಂಗಪಡಿಸಿದ್ದರು.
ಆಹಾರ ಮತ್ತು ಪ್ರಯಾಣದ ಮೇಲಿನ ಪರಸ್ಪರ ಪ್ರೀತಿಯಿಂದಾಗಿ ನಾವು ತುಂಬಾ ಹತ್ತಿರವಾದೆವು. ಸಂಬಂಧದಲ್ಲಿ ಪರಸ್ಪರ ಗೌರವವು ಅತ್ಯಂತ ಮುಖ್ಯ, ಅವಳು ನನ್ನನ್ನು ಒಬ್ಬ ಪುರುಷನನ್ನು ಹೇಗೆ ನಡೆಸಿಕೊಳ್ಳಬೇಕು ಹಾಗೆ ಹಾಗೂ ನಾನು ಅವಳನ್ನು ರಾಜಕುಮಾರಿಯಂತೆ ನಡೆಸಿಕೊಳ್ಳುತ್ತೇನೆ ಎಂದು ಸಂದರ್ಶನವೊಂದರಲ್ಲಿ ಮಿಲಿಂದ್ ಹೇಳಿಕೊಂಡಿದ್ದರು.