IPL 2025 Points Table: ಅಗ್ರಸ್ಥಾನಕ್ಕೇರಿದ ಆರ್‌ಸಿಬಿ; ಪ್ಲೇ-ಆಫ್‌ಗೆ ಇನ್ನೊಂದೇ ಹೆಜ್ಜೆ
ಆರೆಂಜ್‌ ಕ್ಯಾಪ್‌ ವಿಭಾಗದಲ್ಲಿಯೂ ಬದಲಾವಣೆಯಾಗಿದೆ. 443 ರನ್‌ ಗಳಿಸಿದ ವಿರಾಟ್‌ ಕೊಹ್ಲಿ ಸೂರ್ಯಕುಮಾರ್‌ ಯಾದವ್‌ ಅವರನ್ನು ಹಿಂದಿಕ್ಕಿ ಆರೆಂಜ್‌ ಕ್ಯಾಪ್‌ ತನ್ನದಾಗಿಸಿಕೊಂಡಿದ್ದಾರೆ. ಪರ್ಪಲ್‌ ಕ್ಯಾಪ್‌ ರೇಸ್‌ನಲ್ಲಿ ಪ್ರಸಿದ್ಧ್‌ ಕೃಷ್ಣ(16 ವಿಕೆಟ್‌) ಅವರನ್ನು ಹಿಂದಿಕ್ಕಿದ ಆರ್‌ಸಿಬಿಯ ಜೋಶ್‌ ಹ್ಯಾಜಲ್‌ವುಡ್‌(18 ವಿಕೆಟ್‌) ಅಗ್ರಸ್ಥಾನಕ್ಕೇರಿದ್ದಾರೆ.
Abhilash BC
Apr 28, 2025 6:36 AM
ನವದೆಹಲಿ: ಭಾನುವಾರ ನಡೆದಿದ್ದ ಎರಡು ಐಪಿಎಲ್(IPL 2025) ಪಂದ್ಯಗಳ ಬಳಿಕ ಅಂಕಪಟ್ಟಿಯಲ್ಲಿ(IPL 2025 Points Table) ಮಹತ್ವದ ಬದಲಾವಣೆ ಸಂಭವಿಸಿದೆ. ಡೆಲ್ಲಿ ಕ್ಯಾಪಿಟಲ್ಸ್‌ ವಿರುದ್ಧ 6 ವಿಕೆಟ್‌ ಅಂತರದ ಗೆಲುವು ಸಾಧಿಸಿದ ಆರ್‌ಸಿಬಿ(Royal Challengers Bengaluru) ಅಗ್ರಸ್ಥಾನಕ್ಕೇರಿದರೆ, ಲಕ್ನೋ ಸೂಪರ್‌ ಜೈಂಟ್ಸ್‌ ವಿರುದ್ಧ 54 ರನ್‌ ಅಂತರದಿಂದ ಗೆದ್ದ ಮುಂಬೈ ಇಂಡಿಯನ್ಸ್‌(Mumbai Indians) ಮೂರನೇ ಸ್ಥಾನಕ್ಕೇರಿದೆ. ಪಂದ್ಯಕ್ಕೂ ಮುನ್ನ ಆರ್‌ಸಿಬಿ ಮತ್ತು ಮುಂಬೈ ಕ್ರಮವಾಗಿ ಮೂರು ಮತ್ತು ಐದನೇ ಸ್ಥಾನದಲ್ಲಿತ್ತು.
ಇಂದು(ಸೋಮವಾರ) ನಡೆಯುವ ಪಂದ್ಯದಲ್ಲಿ ಗುಜರಾತ್‌ ಟೈಟಾನ್ಸ್‌ ಮತ್ತು ರಾಜಸ್ಥಾನ್‌ ರಾಯಲ್ಸ್‌ ತಂಡಗಳು ಮುಖಾಮುಖಿಯಾಗಲಿವೆ. ಗುಜರಾತ್‌ ಗೆದ್ದರೆ ಆರ್‌ಸಿಬಿಯನ್ನು ಹಿಂದಿಕ್ಕಿ ಮತ್ತೆ ಅಗ್ರಸ್ಥಾನ ಪಡೆಯಲಿದೆ. ರಾಜಸ್ಥಾನ್‌ ಗೆದ್ದರೆ ಪ್ಲೇ ಆಫ್‌ ಪ್ರವೇಶದ ಕ್ಷೀಣ ಅವಕಾಶ ಜೀವಂತವಾಗಿ ಉಳಿಯಲಿದೆ. ಸೋತರೆ ಅಧಿಕೃತವಾಗಿ ಲೀಗ್‌ ಹಂತದಲ್ಲೇ ಹೊರಬೀಳಲಿದೆ.
ಆರ್‌ಸಿಬಿ ವಿರುದ್ಧ ಸೋಲು ಕಂಡ ಡೆಲ್ಲಿ ನಾಲ್ಕನೇ ಸ್ಥಾನಕ್ಕೆ ಕುಸಿದರೆ, ಮುಂಬೈ ವಿರುದ್ಧ ಸೋತ ಲಕ್ನೋ 6ನೇ ಸ್ಥಾನದಲ್ಲಿದೆ. ಉಳಿದಂತೆ ಪಂಜಾಬ್‌ 6ನೇ, ಕೋಲ್ಕತಾ 7ನೇ ಸ್ಥಾನದಲ್ಲಿದೆ. ಚೆನ್ನೈ ಸೂಪರ್‌ ಕಿಂಗ್ಸ್‌ ಕೊನೆಯ ಸ್ಥಾನದಲ್ಲಿದೆ.
ಇದನ್ನೂ ಓದಿ IPL 2025: 4 ವಿಕೆಟ್‌ ಕಿತ್ತು ಲಸಿತ್‌ ಮಾಲಿಂಗರ ಎರಡು ದಾಖಲೆ ಮುರಿದ ಜಸ್‌ಪ್ರೀತ್‌ ಬುಮ್ರಾ!
ಆರೆಂಜ್‌ ಕ್ಯಾಪ್‌ ವಿಭಾಗದಲ್ಲಿಯೂ ಬದಲಾವಣೆಯಾಗಿದೆ. 443 ರನ್‌ ಗಳಿಸಿದ ವಿರಾಟ್‌ ಕೊಹ್ಲಿ ಸೂರ್ಯಕುಮಾರ್‌ ಯಾದವ್‌ ಅವರನ್ನು ಹಿಂದಿಕ್ಕಿ ಆರೆಂಜ್‌ ಕ್ಯಾಪ್‌ ತನ್ನದಾಗಿಸಿಕೊಂಡಿದ್ದಾರೆ. ಇಂದು ರಾಜಸ್ಥಾನ್‌ ವಿರುದ್ಧ ಸಾಯಿ ಸುದರ್ಶನ್‌(417) 27 ರನ್‌ ಬಾರಿಸಿದರೆ ಕೊಹ್ಲಿಯನ್ನು ಹಿಂದಿಕ್ಕಿ ಆರೆಂಜ್‌ ಕ್ಯಾಪ್‌ ಪಡೆಯುವ ಅವಕಾಶವಿದೆ. ಪರ್ಪಲ್‌ ಕ್ಯಾಪ್‌ ರೇಸ್‌ನಲ್ಲಿ ಪ್ರಸಿದ್ಧ್‌ ಕೃಷ್ಣ(16 ವಿಕೆಟ್‌) ಅವರನ್ನು ಹಿಂದಿಕ್ಕಿದ ಆರ್‌ಸಿಬಿಯ ಜೋಶ್‌ ಹ್ಯಾಜಲ್‌ವುಡ್‌(18 ವಿಕೆಟ್‌) ಅಗ್ರಸ್ಥಾನಕ್ಕೇರಿದ್ದಾರೆ. ಈ ಮೂಲಕ ಪರ್ಪಲ್‌ ಕ್ಯಾಪ್‌ ತನ್ನದಾಗಿಸಿಕೊಂಡಿದ್ದಾರೆ.
ಅಂಕಪಟ್ಟಿ ಹೀಗಿದೆ
IPL 2025 POINTS TABLE. 📈
— Mufaddal Vohra (@mufaddal_vohra) April 27, 2025
- RCB RULING AT THE TOP. 🔥 pic.twitter.com/pqAh2RoTsc