Met Gala 2025: ಮೆಟ್ ಗಾಲಾ 2025ರಲ್ಲಿ ಕಿಚ್ಚು ಹಚ್ಚೋಕೆ ರೆಡಿ ಆಗ್ತಿದ್ದಾರೆ ಈ ಸೆಲೆಬ್ರಿಟಿಗಳು
Met Gala 2025: ಫ್ಯಾಷನ್ ಜಗತ್ತಿನ ಅತಿದೊಡ್ಡ ಕಾರ್ಯಕ್ರಮ(Fashion’s biggest night)ವಾದ ಮೆಟ್ ಗಾಲಾ 2025 (Met Gala 2025) ಮೇ 5ರಂದು ನಡೆಯಲಿದ್ದು, ಫ್ಯಾಷನ್ ಐಕಾನ್ ಆನ್ನಾ ವಿಂಟರ್ (Fashion icon Anna Wintour) ಇದರ ಅಧ್ಯಕ್ಷತೆ ವಹಿಸಲಿದ್ದಾರೆ. ಬಾಸ್ಕೆಟ್‌ಬಾಲ್ ತಾರೆ ಲೆಬ್ರಾನ್ ಜೇಮ್ಸ್(LeBron James), ಸಂಗೀತಗಾರ ಫಾರೆಲ್ ವಿಲಿಯಮ್ಸ್, ನಟ ಕೋಲ್ಮನ್ ಡೊಮಿಂಗೊ, ರ‍್ಯಾಪರ್ ರಾಕಿ ಮತ್ತು ಫಾರ್ಮುಲಾ 1 ಚಾಲಕ ಲೆವಿಸ್ ಹ್ಯಾಮಿಲ್ಟನ್ ಸಹ-ಅಧ್ಯಕ್ಷರಾಗಿದ್ದಾರೆ. ಎಮ್ಮಾ ಚೇಂಬರ್‌ಲಿನ್ ರೆಡ್ ಕಾರ್ಪೆಟ್ ಹೋಸ್ಟ್ ಆಗಿ ಮರಳಲಿದ್ದಾರೆ.
Sushmitha Jain
May 2, 2025 7:43 PM
ಫ್ಯಾಷನ್ ಜಗತ್ತಿನ ಅತಿದೊಡ್ಡ ಕಾರ್ಯಕ್ರಮವಾದ ಮೆಟ್ ಗಾಲಾ 2025 ಮೇ 5ರಂದು ನಡೆಯಲಿದ್ದು, ಫ್ಯಾಷನ್ ಐಕಾನ್ ಆನ್ನಾ ವಿಂಟರ್ ಇದರ ಅಧ್ಯಕ್ಷತೆ ವಹಿಸಲಿದ್ದಾರೆ. ಬಾಸ್ಕೆಟ್‌ಬಾಲ್ ತಾರೆ ಲೆಬ್ರಾನ್ ಜೇಮ್ಸ್, ಸಂಗೀತಗಾರ ಫಾರೆಲ್ ವಿಲಿಯಮ್ಸ್, ನಟ ಕೋಲ್ಮನ್ ಡೊಮಿಂಗೊ, ರ‍್ಯಾಪರ್ ರಾಕಿ ಮತ್ತು ಫಾರ್ಮುಲಾ 1 ಚಾಲಕ ಲೆವಿಸ್ ಹ್ಯಾಮಿಲ್ಟನ್ ಸಹ-ಅಧ್ಯಕ್ಷರಾಗಿದ್ದಾರೆ. ಎಮ್ಮಾ ಚೇಂಬರ್‌ಲಿನ್ ರೆಡ್ ಕಾರ್ಪೆಟ್ ಹೋಸ್ಟ್ ಆಗಿ ಮರಳಲಿದ್ದಾರೆ. ಈ ಬಾರಿಯ ಮೆಟ್ ಗಾಲಾದಲ್ಲಿ ಭಾರತೀಯ ತಾರೆಯರು ಸೇರಿದಂತೆ ದೊಡ್ಡ ದೊಡ್ಡ ಸೆಲೆಬ್ರಿಟಿಗಳು ರೆಡ್ ಕಾರ್ಪೆಟ್‌ನಲ್ಲಿ ಹೆಜ್ಜೆ ಹಾಕಲಿದ್ದಾರೆ.
ಶೀಘ್ರದಲ್ಲೇ ತಾಯಿಯಾಗಲಿರುವ ಬಾಲಿವುಡ್ ನಟಿ ಕಿಯಾರಾ ಅಡ್ವಾಣಿ ಈ ವರ್ಷ ಮೆಟ್ ಗಾಲಾದಲ್ಲಿ ತಮ್ಮ ಗರ್ಭಾವಸ್ಥೆಯ ಗುರುತನ್ನು ತೋರಿಸುತ್ತಾ ರೆಡ್ ಕಾರ್ಪೆಟ್‌ನ ಮೆಟ್ಟಿಲುಗಳನ್ನು ಏರಲಿದ್ದಾರೆ.
ಬಾಲಿವುಡ್ ಬಾದ್‌ಶಾ ಶಾರುಖ್ ಖಾನ್ ಮೊದಲ ಬಾರಿಗೆ ಮೆಟ್ ಗಾಲಾದಲ್ಲಿ ಕಾಣಿಸಿಕೊಳ್ಳಲಿದ್ದು, ಪ್ರಮುಖ ಡಿಸೈನರ್ ಸಬ್ಯಸಾಚಿಯೊಂದಿಗೆ ಕೊಲಾಬೊರೇಟ್ ಆಗಿದ್ದಾರೆ ಎಂದು ವರದಿಯಾಗಿದೆ.
ನಟ ಮತ್ತು ಗಾಯಕ ದಿಲ್ಜೀತ್ ದೋಸಾಂಜ್ ಕೂಡ ಈ ವರ್ಷದ ಫ್ಯಾಷನ್ ರಾತ್ರಿಯಲ್ಲಿ ತಮ್ಮ ಆಕರ್ಷಕ ಉಪಸ್ಥಿತಿಯೊಂದಿಗೆ ಮಿಂಚಲಿದ್ದಾರೆ. ಹೇಲಿ ಬೀಬರ್, ಕೆಂಡಲ್ ಜೆನ್ನರ್, ಕೈಲಿ ಜೆನ್ನರ್‌ರಂತಹ ಮೆಟ್ ಗಾಲಾದ ನಿಯಮಿತ ತಾರೆಯರು ತಮ್ಮ ವಿಶಿಷ್ಟ ಫ್ಯಾಷನ್‌ನೊಂದಿಗೆ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ.
ಗಾಯಕಿ ಟೈಲಾ, ಸಂಗೀತಗಾರ ಅಶರ್, ಮತ್ತು ಒಲಿಂಪಿಕ್ ಜಿಮ್ನಾಸ್ಟ್ ಸಿಮೋನ್ ಬೈಲ್ಸ್ ಕೂಡ 2025ರ ಮೆಟ್ ಗಾಲಾದಲ್ಲಿ ಭಾಗವಹಿಸುವ ನಿರೀಕ್ಷೆಯಿದೆ. ಕಿಮ್ ಕಾರ್ದಶಿಯನ್, ದುವಾ ಲಿಪಾ, ಮತ್ತು ನಟ ಟಾಮ್ ಹಾಲೆಂಡ್ ಕೂಡ ಈ ಕಾರ್ಯಕ್ರಮದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇನ್ನು ಸಬ್ರಿನಾ ಕಾರ್ಪೆಂಟರ್, ಝೆಂಡಾಯಾ, ಮತ್ತು ಹಂಟರ್ ಶಾಫರ್ ಗೆಸ್ಟ್ ಲಿಸ್ಟ್‌ನಲ್ಲಿದ್ದಾರೆ. ಸುಕಿ ವಾಟರ್‌ಹೌಸ್, ಹೆನ್ರಿ ಗೌಲ್ಡಿಂಗ್, ಮತ್ತು ಜೇಡನ್ ಸ್ಮಿತ್ ಕೂಡ ಮೆಟ್ ಗಾಲಾ 2025ರಲ್ಲಿ ಭಾಗವಹಿಸಲಿದ್ದಾರೆ.
ಜೋಯಿ ಕಿಂಗ್, ಮಿರಾಂಡಾ ಕೆರ್, ಮತ್ತು ಕ್ಲೋಯ್ ಸೆವಿಗ್ನಿ ಕೂಡ ರೆಡ್ ಕಾರ್ಪೆಟ್‌ನಲ್ಲಿ ತಮ್ಮ ಫ್ಯಾಷನ್ ಪ್ರದರ್ಶನ ಮಾಡಲಿದ್ದಾರೆ. ನಿಕೋಲ್ ಕಿಡ್‌ಮನ್, ಝೋ ಸಲ್ದಾನಾ, ಮತ್ತು ಜೋ ಬರೋ ಸೇರಿದಂತೆ ಇತರ ಪ್ರಮುಖರು ಈ ಫ್ಯಾಷನ್ ರಾತ್ರಿಯಲ್ಲಿ ಉಪಸ್ಥಿತರಿರಲಿದ್ದಾರೆ. ಮೆಟ್ ಗಾಲಾ 2025 ಫ್ಯಾಷನ್‌ನ ಜಾಗತಿಕ ಆಕರ್ಷಣೆಯಾಗಿ ಮುಂದುವರಿಯಲಿದ್ದು, ಭಾರತೀಯ ತಾರೆಯರ ಭಾಗವಹಿಸುವಿಕೆ ಈ ವರ್ಷದ ಕಾರ್ಯಕ್ರಮಕ್ಕೆ ವಿಶೇಷ ಮೆರಗು ನೀಡಲಿದೆ.